უკრაინის ყოფილმა პრემიერ-მინისტრი, იულია ტიმოშენკო უკრაინის საპრეზიდენტო არჩევნებში მიიღებს მონაწილეობას. თავისი კანდიდატურა მან კიევში წარადგინა ბატკივშინას ყრილობაზე, რომლის ლიდერიც თვითონაა. დელეგატებმა მის კანდიდატურას მხარი დაუჭირეს.

ყრილობაზე სიტყვით გამოვიდა უკრაინის მართლმადიდებელი ეკლესიის პატრიარქი ფილარეტი, რომელმაც ეკლესიის ავტოკეფალიის მოპოვებისთვის ტიმოშენკოს კონკურენტსა და ამჟამინდელ პრეზიდენტს, პეტრო პოროშენკოს მადლობა გადაუხადა. გამომსვლელებს იყვნენ უკრაინის პირველი პრეზიდენტი, ლეონიდ კრავჩუკი და ოდესის ყოფილი გუბერნატორი მიხეილ სააკაშვილი. მან ტიმოშენკოს წარმატება უსურვა.

უკრაინაში საპრეზიდენტო არჩევნები 31 მარტს ჩატარდება. ჯერჯერობით უცნობია მიიღებს თუ არა მონაწილეობას არჩევნებში პეტრო პოროშენკო.

იულია ტიმოშენკო უკრაინაში ნარინჯისფერი რევოლუციის ერთ-ერთი ლიდერი იყო. ტიმოშენკო არის უკრაინის პირველი და ჯერჯერობით ერთადერთი ქალი პრემიერ-მინისტრი.

2010 წლის საპრეზიდენტო არჩევნებში ტიმოშენკო ვიქტორ იანუკოვიჩთან დამარცხდა. ამის შემდეგ ტიმოშენკოს წინააღმდეგ რამდენიმე საქმე აღიძრა. 2011 წელს ის დააკავეს და შვიდწლიანი პატიმრობა მიუსაჯეს. ევროპის პარლამენტმა რამდენიმე რეზოლუციაში აღნიშნა, რომ ყოფილი პრემიერ-მინისტრი პოლიტპატიმარი იყო.

2014 წელს კი ხელისუფლების ცვლილების შემდეგ ტიმოშენკო საპატიმროდან გამოვიდა. ამავე წელს მას საპრეზიდენტო არჩევნებში მიიღო მონაწილეობა, სადაც ხმების 12,81 პროცენტით მეორე ადგილი დაიკავა.