თეატრალურმა საზოგადოებამ ქუთაისის მერს, გიორგი ჭიღვარიას "წლის საუკეთესო თეატრალური მერის" წოდება მიანიჭა. ამის შესახებ ინფორმაცია On.ge-ს ქუთაისის მერიის პრესსამსახურში დაუდასტურეს.

"მას ეს სიგელი მიენიჭა იმისთვის, რომ მხარდამჭერია თეატრის. ძალიან ბევრ ღონისძიებას უჭერს მხარს", — აღნიშნავენ ქუთაისის მერიის პრესსამსახურში.

საქართველოს თეატრალური საზოგადოების ინფორმაციით, ჭიღვარია ქართული სახელმწიფოს აღმშენებლობის საქმეში შეტანილი ღვაწლისა და თეატრალური ხელოვნების განვითარებაში შეტანილი წვლილისთვის დაჯილდოვდა.

ქუთაისის მერთან ერთად თეატრალურმა საზოგადოებამ იგივე წოდება ბოლნისის, ოზურგეთისა და თელავის მერებსაც მიანიჭა.