თუ ხშირად გიოცნებიათ, რომ ჰოგვორტსში ერთხელ მაინც მოხვედრილიყავით, მაშინ ეს სტატია სწორედ თქვენთვისაა, რადგან მაგიურ კედლებში თავის ამოყოფის ასეთი შანსი ბევრჯერ არ მოგეცემათ.

დიახ, ინსტაგრამის ეს 15 პოსტი დაგარწმუნებთ, რომ მსოფლიოში არაერთი ბიბლიოთეკა არსებობს, რომელიც ჰოგვორტსს გაჭრილი ვაშლივით ჰგავს. მათი მონახულება კი ნებისმიერ პოტერჰედს და წიგნის ჭიას გააბედნიერებდა.

აი, ისინიც:

1. ჯონ როილენდის ბიბლიოთეკა, ინგლისი

ჯონ როილენდის ბიბლიოთეკა 100 წლის წინ საჯარო დაწესებულებად აშენდა. თუმცა, დღეს ის მანჩესტერის უნივერსიტეტის განუყოფელი ნაწილია. აქ ხშირად აფიქსირებენ ნახევრად უთავო მოჩვენებებს.

2. ვაშინგტონის უნივერსიტეტის ბიბლიოთეკა, ვაშინგტონი

1923 წელს აშენებული შთამბეჭდავი ბიბლიოთეკა ნამდვილად მოგაგონებთ ჰოგვორტსის მთავარ მისაღებ დარბაზს.

3. პარლამენტის ბიბლიოთეკა, კანადა

პარლამენტის ბიბლიოთეკა კანადაში 1876 წელს აშენდა და მას დღემდე გოთიკური ელემენტები და ფერიების პატარა სოროები ამშვენებს.

4. რიო-დე-ჟანეიროს ბიბლიოთეკა, ბრაზილია

დანამდვილებით შეიძლება ითქვას, რომ ჰერმიონი ამ ათასობით წიგნს პირველივე კურსზე წაიკითხავდა.

5. მონასტრის ბიბლიოთეკა, ჩეხეთი

ეს ბიბლიოთეკა თავისუფლად შეიძლება ჰოგვორტსის რომელიმე დირექტორის პირად რეზიდენციად განვიხილოთ.

6. მეცნიერების ბიბლიოთეკა, გერმანია

გერმანულად ამ ბიბლიოთეკას Oberlausitzische Bibliothek der Wissenschaften ჰქვია, რომლის სწორად წარმოთქმაც მხოლოდ ჰერმიონა გრეინჯერს გამოუვიდოდა.

7. მანჩესტერის ბიბლიოთეკა, ინგლისი

ეს ინგლისის ყველაზე ძველი საჯარო ბიბლიოთეკაა. დიდი შანსია, რომ აქ ოდესღაც წიგნებს ნამდვილი ჯადოქრებიც კითხულობდნენ.

8. მორგანის ბიბლიოთეკა, ნიუ-იორკი

ნიუ-იორკში 1924 წელს გახსნილი მორგანის ბიბლიოთეკა დღეს მუზეუმის ფუნქციასაც ითავსებს. აქვე ინახება ქვიდიჩის ისტორიის ყველაზე იშვიათი ტომეულიც.

9. ნაციონალური ბიბლიოთეკა, პორტუგალია

დაუჯერებელია, მაგრამ ეს ბიბლიოთეკა 300 წლის არის. ამბობენ, რომ ამ ადგილს ხშირად სტუმრობდა მწერალი ნიუტ სკამანდერი.

10. სამების კოლეჯის ბიბლიოთეკა, ირლანდია

სამების კოლეჯი 1592 წელს აშენდა და დღემდე ის ირლანდიის (ჯადოსნური სამყაროს) ყველაზე დიდი საჯარო ბიბლიოთეკაა.

11. ჩიკაგოს ბიბლიოთეკა, ილინოისი

ინგლისური არქიტექტურის ინსპირაციით აშენებული ჩიკაგოს ბიბლიოთეკა ჯადოქარ და მაგლ მკითხველებს 1912 წლიდან მასპინძლობს.

12. ბუდაპეშტის ბიბლიოთეკა, უნგრეთი

უნდა ვაღიაროთ, რომ ბუდაპეშტის ბიბლიოთეკაში ნებისმიერი ჯადოქარი თავს ძალიან კომფორტულად იგრძნობდა.

13. ადელაიდას სახელმწიფო ბიბლიოთეკა, ავსტრალია

ბიბლიოთეკა, სადაც ჰარი და რონი ათასგვარ ოინს განახორციელებდნენ.

14. ბაროკოს ბიბლიოთეკა, ჩეხეთი

ბაროკოს ბიბლიოთეკა ჩეხეთში 1722 წელს აშენდა და დღემდე აქ 20 ათასზე მეტი წიგნია დაცული. დიდი შანსია, რომ ნახევარპრინცის დაკარგული წიგნიც მათ შორის იყოს.

15. რომის ბიბლიოთეკა, იტალია

ალბათ, დაგვეთანხმებით, რომ ეს კედლები, წესით, ბევრ საიდუმლოს უნდა ინახავდეს.