საქართველოს პრემიერ-მინისტრმა, მამუკა ბახტაძემ საქართველოს ექვს რეგიონში ახალი გუბერნატორები წარადგინა. ამის შესახებ მან მთავრობის ადმინისტრაციაში გამართულ საგანგებო ბრიფინგზე განაცხადა.

  • ალექსანდრე მოწერელია - სამეგრელო-ზემო სვანეთი;
  • შალვა კერესელიძე - მცხეთა-მთიანეთი;
  • შოთა რეხვიაშვილი - ქვემო ქართლი;
  • გიორგი ხოჯევანიშვილი - შიდა ქართლი;
  • შავლეგო ტაბატაძე - იმერეთი;
  • ბესიკ ამირანაშვილი - სამცხე-ჯავახეთი;
  • ზურაბ ნასარაია - გურია.

გუბერნატორების წარდგენამდე რამდენიმე საათით ადრე, თანამდებობა დატოვა გურიის გუბერნატორმა, მერაბ ჭანუყვაძემ. მან ამის შესახებ ფეისბუქზე დაწერა.

5 რეგიონის სახელმწიფო რწმუნებული თანამდებობიდან გასულ თვეში გაათავისუფლეს. კერძოდ, თანამდებობიდან გათავისუფლდნენ: შიდა ქართლის, მცხეთა-მთიანეთის, სამეგრელო-ზემო სვანეთის, ქვემო ქართლის და სამცხე-ჯავახეთის გუბერნატორები. მას შემდეგ, რაც გივი ჭიჭინაძე შუალედურ არჩევნებში პარლამენტის დეპუტატი გახდა, გუბერნატორი არ ჰყავს ასევე იმერეთსაც.

პრემიერ-მინისტრის გადაწყვეტილებით, ინფრასტრუქტურის სამინისტროს რეგიონალური პოლიტიკის კომპონენტი გამოეყო, რომელსაც სოზარ სუბარი ხელმძღვანელობს.