ანდაზები მოკლე, სხარტ ფორმაში ჩატეული სიბრძნეებია, რომელთაგანაც ზოგი უკვე მოძველებულია, ზოგიც კი - ისეთი აქტუალური, როგორიც არასდროს.

ჩვენ მოვძებნეთ 10 ქართული ანდაზა, რომელიც დისნეის პრინცესების ცხოვრებაზეა ზედგამოჭრილი.

1. კონკია - გაჭირვება მიჩვენე და გაქცევას გიჩვენებ

ფოტო: giphy

თანაც ისეთ გაქცევას, რომ ბროლის ქოში კიბეზე გრჩებოდეს.

2. ფიფქია - სიფრთხილეს თავი არ სტკივა

ფოტო: giphy

ნათელი მაგალითი იმისა, თუ რა მოჰყვება უცნობების მოწოდებული ხილ-ბოსტნეულის ჭამას.

3. ავრორა - რაც გიწერია, არ აგცდება

ფოტო: giphy

ასე რომ, თუ თითისტარით სიკვდილის შესახებ დაგადეს წყევლა, ქსოვა და დართვა შენი ჰობი არ უნდა გახდეს.

4. რაპუნცელი - ასჯერ გაზომე და ერთხელ გაჭერი

ფოტო: giphy

ეს ანდაზა აშკარად თმის შეჭრაზე და მერე სინანულზეა.

5. ელზა - საცა არა სჯობს, გაცლა სჯობს

ფოტო: Giphy

და საკუთარი ყინულის სასახლის აშენება.

6. მერიდა - დე­დის წინ მარ­ბე­ნალ კვიცს ან მგელი შეჭამს, ან მგლის შვილიო

ფოტო: giphy

ან დათვად გადაქცეული დედა.

7. ბელი - ვარდი უეკლოდ ვის მოუკრეფიაო

ფოტო: giphy

ასე რომ, თუ პრინცზე გინდა დაქორწინება, ცოტა ხანი ურჩხული უნდა აიტანო.

8. პოკაჰონტასი - შეგნებულთან ომი სჯობია შეუგნებელთან პურის ჭამასო

და სულ თუ არ ვიომებთ - მით უკეთესი.

9. ჟასმინი - ცხვარი ცხვარია, მაგრამ თუ გაცხარდა, ცხარიაო

ჟასმინზე ცხარე პრინცესა დისნეის სამყაროში უბრალოდ არ არსებობს.

10. არიელი - წვიმის შეკავება უფრო ადვილია, ვიდრე გასათხოვარი ქალისაო

ფოტო: giphy

ხმაზეც კი იტყვი უარს, თუ ის კონკრეტული ბიჭი მოგეწონა, რომელიც ხმელეთზე ცხოვრობს და არა წყალქვეშ.

რამე ხომ არ გამოგვრჩა?!