American Horror Story-ის მერვე სეზონის გამოსვლამდე სულ რაღაც ორი თვე დარჩა, რაც იმას ნიშნავს, რომ შოუს შემქმნელები ნელ-ნელა ახალ ინფორმაციებს გაგვაცნობენ.

მაგალითად, ახლახან ცნობილი გახდა, რომ მერვე სეზონში ვიხილავთ მსახიობ კოდი ფერნს, რომელიც სერიალში მიქაელ ლანგდომის როლს შეასრულებს. ლანგდომის პერსონაჟი AHS-ის პირველ სეზონში გამოჩნდა და ის შოუს მაყურებლებისთვის უცნობი არ არის.

რაც შეეხება მერვე სეზონის თემას, მკვლელი სახლის, ფსიქიატრიულის, ფრიკ-შოუს, სასტუმროს, როანოკისა და კულტის შემდეგ, წინ აპოკალიფსი გველოდება.

A post shared by American Horror Story (@ahsfx) on

როგორც უკვე იცით, რაიან მერფის სერიალის, AHS, მერვე სეზონში წინა სეზონების - Murder House-ისა და Coven-ის პერსონაჟებს ვიხილავთ. როგორც სერიალის შემქმნელი გვარწმუნებს, ჯადოქრებს მერვე სეზონში დიდი ამბები ელით.

შოუს მერვე სეზონში კვლავ ვიხილავთ სარა პოლსონს, ემა რობერტსს, ივან პეტერსსა და კეტი ბეიტსს. დადასუტებულია ისიც, რომ სერიალში ლეგენდარული ჯოან კოლინზი ითამაშებს.

სერიალის პრემიერა 12 სექტემბერს შედგება.