დრიუ ბერიმორი არასდროს ერიდებოდა სოციალურ ქსელში უმაკიაჟოდ გადაღებული ფოტოების გამოქვეყნებას, შესაბამისად, ალბათ არც ელოდა, რომ მისი ერთ-ერთი ბოლო პოსტი ინსტაგრამზე ამხელა გამოხმაურებას დაიმსახურებდა.

ამის მიზეზი მარტივია, ბერიმორმა თავის საუკეთესო მეგობართან, კამერონ დიაზთან ერთად გადაიღო ფოტო და გამოაქვეყნა.

#nomakeup #nofilter #oldschoolsisters #playdate #dayoff #friday #SUNSCREENALWAYS

A post shared by Drew Barrymore (@drewbarrymore) on

ფოტოს უკვე თითქმის ორი მილიონი მოწონება აქვს და ინტერნეტ სივრცეშიც დიდი პოპულარობით სარგებლობს.

როგორც მოსალოდნელი იყო, მედია დაინტერესდა ხომ არ აპირებს კინოდან წასული კამერონ დიაზი ახალ პროექტში გამოჩენას. ამ კითხვას პასუხი დრიუ ბერიმორმა გასცა.

"მე და კამერონი დებივით ვარ, ძალიან ხშირად ვნახულობთ ერთმანეთს, თითქმის ყოველდღე და ესეც ჩვენი ჩვეულებრივი დღე იყო, უბრალოდ იმ საღამოს ფოტოს გადაღება გადავწყვიტეთ. ვარჯიშიდან ახალი გამოსულები ვიყავით, ძალიან კარგად ვგრძნობდით თავს, არ გვქონდა მაკიაჟი და ვიყავით ის, ვინც რეალურად ვართ, სწორედ ეს გახდა ფოტოს გადაღების მიზეზი. ", - ამბობს დრიუ.