პარლამენტის თავმჯდომარის ირაკლი კობახიძის განცახდებით, შრომის უსაფრთხოების კანონი სექტემბერში გადაისინჯება. მისი თქმით, ამაღლდება ამ კანონის სტატუსი და გადაიხედება შინაარსი:

"ნაცვლად ჩვეულებრივი კანონისა, ეს იქნება ორგანული კანონი და გადაიხედება ამ კანონის შინაარსიც იმისათვის, რომ გაუმჯობესდეს შრომის უსაფრთხოების სტანდარტები საქართველოში. ეს იყო ჩვენი გაცხადებული ნება".

გუშინ, 16 ივლისს ტყიბულში, მინდელის შახტაში კიდევ 4 ადამიანი გარდაიცვალა. ამ თემის შეფასებისას კი ირაკლი კობახიძემ განაცხადა, რომ საპარლამენტო უმრავლესობას შრომის უსაფრთოხების შესახებ კანონის გამკაცრება უნდოდა, თუმცა წინა მთავრობამ მათ ამის საშუალება არ მისცა.