ჩვენ უკვე მოგიყევით თიბისის ფეისბუქ გვერდ ცისფერ მთების შესახებ, რომელიც ზამთარში შეიქმნა. მისი თავდაპირველი მიზანი ზამთრის კურორტების პოპულარიზაცია და მთებში დასვენების მსურველებისთვის ინფორმაციის მიწოდება იყო. მაშინ გიყვებოდით, რომ ცისფერი მთების მთავარი კონტრიბუტორები მომხმარებლები იყვნენ და ფეისბუქ გვერდის მუშაობა სწორედ მათზე იყო დამოკიდებული.

ამჯერად კიდევ ერთი ახალი ამბავი გვაქვს. ცისფერმა მთებმა თავისი ფორმატი გააფართოვა და არამარტო ზამთრის კურორტებზე აკეთებს აქცენტს, არამედ ზოგადად საქართველოს მთებსა და იქ მიმდინარე მოვლენებზე. ცისფერი მთები კვლავ რჩება ყველაზე დიდი მაინსპირირებელ გვერდად მთების შესახებ. აქ თქვენ ნახავთ საქართველოს მთებში გადაღებულ ულამაზეს ფოტოებსა და ვიდეოებს, ლაივების დახმარებით აღმოაჩენთ უამრავ ახალ ადგილებს მთებში, რომელზეც არაფერი გსმენიათ, მიიღებთ რჩევებს უსაფრთხოების წესების შესახებ და გაეცნობით სხვადასხვა ბლოგებს.

გვერდმა რომ იფუნქციონიროს, თქვენი ჩართულობა მნიშვნელოვანია. ცისფერი მთები სიამოვნებით მიიღებს თქვენ მიერ გადაღებულ ფოტოებსა თუ ვიდეოებს, რომელსაც უამრავი ადამიანი ნახავს. გარდა ამისა, თქვენ შეგიძლიათ დაწეროთ ბლოგები თქვენი გამოცდილების შესახებ და მკითხველებს გაუზიაროთ.

ამ პროცესში უკვე არაერთი ადამიანია ჩართული. ადამიანები, რომლებიც ხშირად დადიან ლაშქრობებზე, ცისფერ მთებს თავიანთ ნამუშევრებს უგზავნიან.

ლაშქრობა და მთებში მოგზაურობა ჯანსაღი ცხოვრების წესის ერთ-ერთი მნიშვნელოვანი ნაწილია. მათ ვისაც გსურთ, რომ თქვენი ცხოვრება უფრო საინტერესო და თავგადასავლებით სავსე გახდეს, ცისფერი მთები სწორი არჩევანის გაკეთებაში დაგეხმარებათ.

ყველაზე მნიშვნელოვანი, რასაც ცისფერი მთები აკეთებს, მთებზე შეყვარებული ადამიანების ერთ სივრცეში შეკრებვაა. ამ გვერდზე მოგზაურობითა და ლაშქრობით დაინტერესებული ადამიანები იყრიან თავს და საკუთარ გამოცდილებას უზიარებენ სხვებს. ცისფერი მთების დათვალიერების შემდეგ თუ გადაწყვიტეთ, რომ თქვენც გსურთ საქართველოს მთებში ლაშქრობა და მოგზაურობა, აქ აუცილებლად იპოვნით თქვენსავით დაინტერესებულ ადამიანებს, ვისგანაც უამრავ სიახლეს გაიგებთ და აქამდე უცნობ ადგილებს აღმოაჩენთ.

ცისფერი მთები თავისი კონტენტით აპირებს დაამტკიცოს, რომ მთის კურორტები არამარტო ზამთარში, არამედ ყველაზე სეზონზე მიმზიდველი და საინტერესოა. სწორედ ამიტომ, ფეისბუქ გვერდი ოთხივე სეზონზე აქტიური იქნება.