პრემიერ-მინისტრის მამუკა ბახტაძის განცხადებით, მთავრობის ახალი სტრუქტურის პრეზენტაცია ხვალ, 26 ივნისს გაიმართება.

ბახტაძემ დაადასტურა, რომ სამინისტროების რაოდენობა 11-ზე მეტი არ იქნება. მისივე თქმით, ეს არის ოპტიმალური რაოდენობა იმისთვის, რომ მთავრობა ეფექტურად გაუმკლავდეს იმ გამოწვევეს, რაც ქვეყნის ეკონომიკის წინაშე დგას.

პრემიერის კონსულტაციები მმართველ გუნდთან 23 ივნისს დასრულდა. უმრავლესობის დეპუტატების განცხადებით, პრემიერმა მოისმინა მათი აზრი და დამოუკიდებელ გადაწყვეტილებას მიიღებს.

მთავრობის ახალ სტრუქტურას და მინისტრთა ახალ კაბინეტს პრემიერი პარლამენტს უახლოეს მომავალში წარუდგენს, რომელმაც შემადგენლობა უნდა დაამტკიცოს.