ხავიერ ბარდემისა და პენელოპე კრუზის წყვილმა რეალური ცხოვრებიდან კიდევ ერთხელ გადაინაცვლა კინოეკრანზე და ამჯერად კოლუმბიელ ნარკობარონსა და კონტრაბანდისტზე შექმნილ ფილმში ითამაშეს.

ფილმის სიუჟეტი რეალურ ამბავზეა დაფუძნებული და ის ესკობარისა და ჟურნალისტ ვირჯინია ვალეხოს რომანტიკულ ურთიერთობაზეა.

პაბლო ესკობარი კოლუმბიელი ნარკობარონი იყო. აშშ-ის ტერიტორიაზე შეტანილი კოკაინის 80%-ს სწორედ ის აკონტროლებდა. კოკაინის მეფედ წოდებული ესკობარი, ყველაზე მდიდარი კრიმინალი იყო ისტორიაში და 1990-იანების დასაწყისში მისი ქონება 30 მილიარდ ამერიკულ დოლარად იყო შეფასებული. თავისი საქმიანობის დიდების ხანაში ის მსოფლიოს 10 უმდიდრეს ადამიანს შორის იყო და მის მიერ აშენებულ Hacienda Nápoles-ში ცხოვრობდა.

ფილმის პრემიერა საქართველოში 14 ივნისს შედგა და მისი ნახვა კინოთეატრებში უკვე შეგიძლიათ.