2017 წლის ნოემბერში, ერთწლიანი ურთიერთობის შემდეგ ოსკარის მფლობელი მსახიობი ჯენიფერ ლოურენსი და რეჟისორი დარენ არანოვსკი ერთმანეთს დაშორდნენ.

როგორც პრესა წერდა, წყვილს პრობლემები ფილმ Mother!-ის გადაღებების დროსაც ჰქონდა. დაშორების მიუხედავად, მსახიობი და რეჟისორი მეგობრობენ, ამის საჩვენებლად კი ერთ-ერთ წვეულებაზეც გამოჩნდნენ ერთად.

დაშორებიდან ნახევარ წელზე მეტი გავიდა და ჯენიფერ ლოურენსს ახალი რჩეულიც ჰყავს. ოსკარის მფლობელ მსახიობს ურთიერთობა ნიუ-იორკის ერთ-ერთი პრესტიჟული გალერეის დირექტორთან, კუკ მარუნისთან აქვს. როგორც ცნობილია მათ ურთიერთობა რამდენიმე კვირის წინ დაიწყეს.