ტეილორ სვიფტმა თავისი დიდი ხნის ბექ-მოცეკვავე გაათავისუფლა, მას შემდეგ, რაც მან ინსტაგრამზე ძალადობის წამახალისებელი, სექსისტური და მიზოგინური მიმები გამოაქვეყნა.

მიმების შინაარსის მიხედვით, ქალები გაუპატიურებაზე ოცნებობენ და მათი ადგილი სამზარეულოშია.

ტოშიმ სვიფტთან მუშაობა ალბომ 1989-ის ტურნეზე დაიწყო. 2015 წელს, ტეილორმა მისი დის შვილის სამკურნალოდ ოჯახს $50 000 გადაურიცხა.

ტეილორისთვის მისი მოცეკვავეები საკმაოდ ახლობლები არიან, თუმცა პოსტების ნახვის შემდეგ ის იმდენად განრისხდა, რომ ტურნეს განმავლობაში მოცეკვავე დაითხოვა.

"მსგავს დამოკიდებულებებს ქალების მიმართ, ტეილორი დაუშვებლად მიიჩნევს და განსაკუთრებით მაშინ, თუ ამას მისი გარემოცვის წევრი აკეთებს. ასევე, მას არ სურს, რომ იმ მილიონობით გოგოს ცუდი მაგალითი მისცეს, რომელიც მისი მუსიკის მსმენელია", - უთხრა წყარომ უცხოურ მედიას.

ინციდენტის შემდეგ, ტოშიმ თავისი ინსტაგრამი მხოლოდ გამომწერებისთვის ხილულ რეჟიმზე გადაიყვანა.