გერმანული მედიის ცნობით, ქალაქ მიუნხენის ოლიმპიას სავაჭრო ცენტრში სროლის ხმა ისმოდა. ცენტრში AK-47 და რამდენიმე პისტოლეტით შეიარაღებულმა პირმა ცეცხლი გახსნა.

მიუნხენის პოლიცია ვარაუდობს, რომ მოლში რამდენიმე თავდამსხმელი მოქმედებდა.

პოლიციის თქმით, სროლა ცენტრში მდებარე სწრაფი კვების ერთერთ ობიექტში დაიწყო.

ადგილზე გასულია პოლიცია, შემთხვევის დეტალები ამ დრომდე უცნობია.

ადგილობრივი მედიის ცნობით ცენტრთან მობილიზებულია პოლიციის 30-ზე მეტი მანქანა.

Sueddeutsche Zeitung ადგილობრივ პოლიციაზე დაყრდნობით იუწყება, რომ მოკლულია რამდენიმე ადამიანი.

ბავარიის შინაგან საქმეთა სამინისტროს ცნობით, დასტურება მინიმუმ 3 ადამიანი სიკვდილი.

ფოტო: Richard Gutjahr

ვრცელდება ცნობები, რომ ცენტრში ერთი თავდამსხმელი შეიჭრა, ტერიტორია ჩაკეტილია და მოლის თანამშრომლები გარეთ ვერ გადიან. ადგილზე მობილიზებულია ვერტმფრენებიც.

ფოტო: AP

ფოტო: AFP

მოწმეები ამბობენ, რომ თავდამსხმელი მეტროს სადგურში ჩავიდა და მიიმალა.

მიუნხენის პოლიცია მოქალაქეებს ტვიტერით მოუწოდებს, რომ პოლიციის გადაადგილებისა და ოპერაციის ამსხველი ფოტოები არ გაავრცელონ, რადგან დამნაშავეები ჯერ დკავებულები არ არიან და მათი ადგილსამყოფელის შესახებ ცნობებს არ ფლობენ.

პოლიციამ მიუნხენის ცენტრალური სადგური დახურა, გამოცხადებულია განგაში.