ნაცუ ბაშოს მე-14 დღეს ქართველი სუმოისტი ტოჩინოშინი (ლევან გორგაძე) მონღოლ იოკოძუნა კაკურიუს შეხვდა და მარცხი განიცადა.

იოკოძუნა დიდ ჩემპიონს ნიშნავს და სუმოს ყველაზე მაღალ ტიტულს წარმოადგენს.

უნდა ითქვას ისიც, რომ ქართველი სეკივაკე ტრავმირებული გამოვიდა. გავრცელებული ინფორმაციის თანახმად, მას ხელზე ორი ძვალი ჰქონდა მოტეხილი.

ახლა ყველაზე მეტი, 13 მოგება კაკურიუს აქვს, თუმცა მას შეხვედრა აქვს დარჩენილი ასევე იოკოძუნა ჰაკუჰოსთან. თუ ჰაკუჰო კაკურიუს დაამარცხებს და ქართველი სუმოისტი თავის შეხვედრას მოიგებს, მაშინ ტოჩინოშინსა და კაკურიუს მოგებათა ერთნაირი რაოდენობა დაუგროვდებათ და გამარჯვებულის გამოსავლენად ისინი კიდევ ერთხელ, ამჯერად პლეიოფში შეხვდებიან.