ოფიციალურად შეგვიძლია ვთქვათ, რომ ტელესამყაროს ახალი კანონმდებელი ჰყავს - ნეტფლიქსმა შემოსავლებით დისნეის გადაუსწრო.

ბოლო ინფორმაციით, სხვაობა მხოლოდ მილიარდი დოლარია. ნეტფლიქსის შემოსავალი $153 მილიარდია, ხოლო დისნეის - $152.

ცოტა ხნის წინ, კომპანია Walt Disney-მ 21st Century Fox-ის აქტივები $52,4 მილიარდად შეისყიდა.

დისნეის განცხადებით, გარიგება მოიცავს ფოქსის 39-პროცენტიან წილს სატელიტურ მაუწყებელში Sky და 20th Century Fox კინოსტუდიას.

რაც შეეხება ნეტფლიქსს, მისი წარმატება განაპირობა ისეთმა ორიგინალურმა კონტენტმა და სერიალებმა, როგორებიც არის - Stranger Things, Orange is the New Black, The Crown, 13 Reasons Why და ა.შ.

ნეტფლიქსის ხელმომწერი მსოფლიოს 200-მდე ქვეყნის 120 მილიონზე მეტი აბონენტია, რომელთაც შეუზღუდავი წვდომა აქვთ ნეტფლიქსის კონტენტზე, რომელიც მოიცავს ასობით კინოს და ტელეშოუს, რომელთა სია მუდმივად განახლებადია.