ცაგერის მუნიციპალიტეტის სოფელ ოყურეში, მოქალაქეებმა ტყის პირას დაახლოებით 2 თვის ასაკის დათვის ბელი იპოვეს. ბელი მურა დათვის სახეობისაა და ის წითელი ნუსხითაა დაცული.

გარემოსდაცვითი ზედამხედველობის სამსახურის ინფორმაციით, ბელს დაზიანებები არ არენიშნებოდა. დეპარტამენტის თანამშრომლებმა ის თბილისში ჩამოიყვანეს და ზოოპარკს მიაბარეს.

"მისი ასაკიდან გამომდინარე, ბელის ველურ ბუნებაში გაშვება მიზანშეწონილი არ იყო", - წერია განცხადებაში, რომელსაც გარემოსდაცვითი ზედამხედველობის დეპარტამენტი ავრცელებს.

თბილისის ზოოპარკი დათვების რეაბილიტაციის პროგრამას ახორციელებს, რაც დათვებისათვის შესაბამისი გარემოს შექმნას გულისხმობს, რომელშიც მათ ბუნებრივი ქცევის გამოხატვის მაქსიმალური შესაძლებლობა აქვთ. როდესაც მიბარებული დათვის ბელი მზად იქნება, მას ველურ ბუნებაში დააბრუნებენ.