რუსთაველის გამზირზე თეთრი ხმაურის მიერ ორგანიზებულ აქცია ჩვენი თავისუფლებისთვის გრძელდება. აქციაზე, დემონსტრანტებმა საქართველოს ჰიმნი იმღერეს. დილით აქციის მონაწილეებმა 9 აპრილის მემორიალი ყვავილებით შეამკეს, მათ ხელს უშლიდნენ ულტრანაციონალისტური დაჯგუფებები.

რუსთაველზე, ქაშუეთის მიმდებარედ იმართება ულტრანაციონალისტური ჯგუფების კონტრაქტია. კონტრაქციის წევრები პოლიციის კორდონის გარღვევას ცდილობენ, მათი განცხადებით, სურთ 9 აპრილის მემორიალთან მივიდნენ და სანთლები დაანთონ. პოლიცია მათ გადაადგილებაში ხელს უშლის. აქციის მონაწილეებმა ქაშუეთის ეკლესიასთან სანთლები დაანთეს და ლოცვა მამაო ჩვენო წაიკითხეს. კონტრაქციაზე ჰომოფობიურ და ძალადობრივ განცხადებებს აკეთებენ.

საპროტესტო აქციები თბილისში მას შემდეგ დაიწყო, რაც 12 მაისს ღამეს კლუბ ბასიანსა და კაფე გალერიში სპეცოპერაცია ჩატარდა. ოფიციალური განცხადებით, ძალოვანებმა ნარკორელიზების ბრალდებით რვა პირი დააკავეს. სპეცოპერაცია დაპირისპირებებისა და მოქალაქეების დაკავების ფონზე მიმდინარეობდა.