ევროკომისარი და გერმანელი პოლიტიკოსი გიუნტერ ოტინგერი აცხადებს, რომ ევროკავშირი თურქეთის მოსახლეობას სავიზო ლიბერალიზაციას წელს ვერ დაჰპირდება. ინფორმაციას როიტერი ავრცელებს.

ევროკავშირის წარმომადგენლის განცხადებით, აღნიშნული ვარაუდი ერდოღანის მთავრობის მიერ აჯანყებულების მიმართ გატარებულ ღონისძიებებზეა დამყარებული:

"ერდოღანი დათმობაზე უნდა წავიდეს და პატივი სცეს კანონის უზენაესობას, ვერ ვიტყვით, რომ ის ახლა ამას აკეთებს".

თითქმის 20 ათასი პირი, მათ შორის პოლიციელები, საჯარო სამსახურის თანამშრომლები, მოსამართლეები და არმიის წევრები, დაპატიმრებულნი ან სამსახურიდან დათხოვნილნი არიან, 15 ივლისის ღამით მოწყობილი სახელმწიფო გადატრიალების მცდელობის შემდეგ.