როგორც მოსალოდნელი იყო, NBA-ის დასავლეთ კონფერენციის ფინალში ერთმანეთს გოლდენ სტეიტ უორიორსი და ჰიუსტონ როქეთსი დაუპირისპირდებიან.

ჰიუსტონელებმა იუტა ჯაზს სერია 4:1 მოუგეს. ამავე ანგარიშით გაიმარჯვეს პელიკანსის წინააღმდეგ ოკლენდელებმაც.

აღმოსავლეთ კონფერენციაში მდგომარეობა შემდეგნაირია; კლივლენდი ბოსტონ სელტიქსსა და ფილადელფიას შორის გამარჯვებულს ელოდება. ბოსტონელებს სერია ანგარიშით 3:1 მიჰყავთ.

ჰიუსტონისა და გოლდენ სტეიტის პირველი შეხვედრა ორშაბათს ჩატარდება.