American Horror Story, Scream Queens, American Crime Story და Feud-ის შემქმნელი რაიან მერფია ახალი სერიალის - Pose, პრემიერისთვის ემზადება.

ახალი სერიალის პრემიერა 3 ივნისს შედგება.

სერიალის სიუჟეტიც 80-იან წლების ნიუ-იორკში განვითარდება და მანჰეტენის საზოგადოების სხვადასხვა სეგმენტის ცხოვრების კონტრასტულობას გვიჩვენებს. აქ შეხვდებით მდიდრულ პერიოდს თავისი კულტურული სამყაროს წვეულებებითა და გარეუბნის სოციალურ მდგომარეობას.

აღსანიშნავი ამ ამბავში არის ისიც, რომ რაიან მერფის გადაწყვეტილებით მის ახალ შოუში მონაწილეობას ხუთი ტრანსგენდერი მსახიობი მიიღებს.

ემჯი როდრიგესი, ინდია მური, დომინიკ ჯეკსონი, ჰეილი სარა და ანჟელიკა როსი FX-ის ახალ სერიალში მთავარ როლებს მოირგებენ.

ამავდროილად FX-ის ახალ სერიალში მონაწილეობას მიიღებენ ივან პეტერსი, კეიტ მარა, ჯეიმს ვან დე ბიკი და ტატიანა მასლანი.

რაიან მერფისთან ერთად შოუს შექმნაზე ტრადიციულად ბრედ ფალჩუკი იმუშავებს, რომელიც სერიალისთვის სცენარს დაწერს.