საქართველოს ფინანსთა მინისტრი, მამუკა ბახტაძე Microsoft-ის დამფუძნებელს, ბილ გეიტსს შეხვდა. იმედის ინფორმაციით, მინისტრმა მსოფლიოს უმდიდრეს ადამიანს საჩუქრად ვეფხისტყაოსანი გადასცა.

შეხვედრის ამსახველი სურათი ბახტაძემ ფეისბუქზე გამოაქვეყნა. "მას ნამდვილად შეუძლია საოცარი რჩევების მიცემა", - წერს ბახტაძე გეიტსზე.

ბახტაძე ბილ გეიტსს მსოფლიო ბანკისა და საერთაშორისო სავალუტო ფონდის საგაზაფხულო შეხვედრის ფორმატში გამართულ ვახშამზე შეხვდა. საღამოს მასპინძელი ბილ გეიტსი იყო.