ბანკნოტების საზოგადოების საერთაშორისო ბანკი ყოველწლიურად ატარებს კონკურს, რომლის მიზანია გამოავლინოს წლის ყველაზე მომხიბვლელი და ლამაზი კუპიურები. ამ კონკურსში წელს შვეიცარულმა ფრანკმა მოიგო, რომელმაც პირველი ადგილი ზედიზედ მეორედ დაიკავა.

2017 წლის ყველაზე ლამაზი კუპიურა 10 ფრანკიანი გახდა. კუპიურაზე ხელებია გამოსახული, რომელიც ორკესტრს დირიჟორობს. კუპიურის მეორე მხარეს კი, ქვეყნის სარკინიგზო სისტემის მცირე რუკა.

გამარჯვებულებს ბანკნოტების საზოგადოების წევრები ხმისმიცემით ირჩევენ. კონკურსში მონაწილეობა შეუძლია როგორც მოქმედ, ისე ხმარებიდან ამოღებულ ბანკნოტებსაც.

შვეიცარული 10 ფრანკი

შოტლანდიური 10 ფუნტ-სტერლინგი

საპრიზო ადგილი დაიკავა შოტლანდიურმა ფუნტ-სტერლინგმაც. 10 ფუნტ-სტერლინგიან კუპიურაზე მათემატიკოსი და ასტრონომი მერი სომერვილია გამოსახული.

ჯიბუტის 40 ფრანკიანი კუპიურა

საუკეთესოებს შორის მოხვდა ჯიბუტის რესპუბლიკის 40 ფრანკიანი კუპიურაც.

ნორვეგიული 100 კრონი

ნორვეგიულ კუპიურაზე ვიკინგების ნავია გამოსახული. მისი დიზაინი სწორედ იმ ფერებშია გადაწყვეტილი, რომელსაც ყველაზე ხშირად წააწყდებით ნორვეგიაში.

მადაგასკარის 20 000 არიარი

ვერ გაიმარჯვა, თუმცა ნომინანტებს შორის ერთ-ერთი საუკეთესო იყო მადაგასკარული კუპიურა, რომელიც გამოირჩევა მადაგასკარული ხასიათით.

მალდივური 5 რუფია

მალდიველებმა მათი ახალი კუპიურა, რომელზეც ფეხბურთელებია გამოსახული, ივლისში გამოუშვეს. სწორედ 5 რუფიამ დაიმსახურა დიდი მოწონება ფინანსური სფეროს წარმომადგენლებს შორის. მალდიველებს ულამაზესი ფულის კუპიურები აქვთ და გირჩევთ, დაათვალიეროთ.