ბარსელონასა და ესპანეთის ნაკრების ფეხბურთელმა ანდრეს ინიესტამ საკუთარ მომავალზე ისაუბრა. მისი თქმით, იგი ხვდება, რომ მძიმე გადაწყვეტილების მიღება მოუწევს, მაგრამ არც იმას აპირებს, რომ ოდესმე "ბარსას" წინააღმდეგ მოუწიოს თამაში.

"ისეთ კლუბში არ გადავალ, რომ ბარსელონას წინააღმდეგ მომიწიოს თამაში. სხვა ყველა ვარიანტი ჩემთვის მისაღებია... რამდენიმე კვირის შემდეგ მომიწევს, მივიღო გადაწყვეტილება, რომელიც ჩემს კარიერაში ერთ-ერთი ყველაზე რთული იქნება".

ინიესტას თქმით, მთავარი ფაქტორი არა მისი კლუბისადმი სიყვარული იქნება, არამედ ის, თუ რამდენად შესწევს ძალა, მას დაეხმაროს.

"კლუბისადმი სიყვარულზე მნიშვნელოვანი აქ ის იმის გაცნობიერებაა, თუ რამდენად შემიძლია, რომ მას წარმატებაში დავეხმარო... თუ ჯანმრთელობა ამის საშუალებას მომცემს, მზად ვარ ბარსელონას ღირსება მომდევნო ორი წლის განმავლობაში დავიცვა", - აღნიშნა ანდრეს ინიესტამ.