წარმატებული პირველი სეზონის შემდეგ, რაიან მერფი FX-ისთვის Feud-ის ახალ სეზონს ამზადებს, რომელიც პრინცესა დაიანასა და პრინც ჩარლზის შესახებ იქნება.

როგორც ამბობენ, მერფიმ დაიანას როლზე უკვე აარჩია მსახიობი და ის არც მეტი, არც ნაკლები სარა პოლსონია, რომელიც რაიანის ერთგული თანამშრომელია და მის ყველა პროექტშია დაკავებული.

ასევე, გავრცელდა ინფორმაცია, რომ პირველ სეზონში, ორი მთავარი როლის შემსრულებელი ჯესიკა ლენგი და სიუზან სარანდონი მეორე სეზონშიც იქნებიან. ლენგი, სავარაუდოდ ელიზაბეტ მეორის როლს სეასრულებს, სარანდონის გმირის შესახებ კი ინფორმაცია ჯერ ჭორის დონეზეც არ გახმაურებულა.

"შემდეგი სეზონისთვის არ მინდოდა კვლავ ორი ქალი პერსონაჟის შუღლზე გამეკეთებინა აქცენტი. ამასთანავე მგონია, რომ პრინცესა დაიანას ისტორია ძალიან საინტერესო და საიდუმლოებით მოცულია. ბევრი მასალა წავიკითხე, გავიცანი ხალხი ვინც მათი ამბების შესახებ იცოდა და მენდეთ, უამრავ საინტერესო და დღემდე გაუხმაურებელ დეტალს გაიგებთ სამეფო ოჯახისა ხალხის გულების პრინცესაზე", - ამბობს რაიან მერფი.

სერიალის პირველი სეზონი, Feud: Bette and Joan, ჰოლივუდის ოქროს ხანის ლეგენდარული მსახიობების ცხოვრებასა და მათ დაძაბულ ურთიერთობებზე მოგვითხრობს. ყურადღების ეპიცენტრში კი ბეტ დევისისა (სუზან სარანდონი) და ჯოან კროუფორდის (ჯესიკა ლენგი) ურთიერთობაა.