ტელევიზიების სარეკლამო შემოსავლის ტენდენციებზე რამდენიმეწუთიანი კამათის შემდეგ პარლამენტის თავმჯდომარემ, ირაკლი კობახიძემ ტელეკომპანია კავკასიის დირექტორი, ნინო ჯანგირაშვილი ტყუილში დაადანაშაულა და დარბაზის დატოვებისკენ მოუწოდა. ჯანგირაშვილმა კი სხდომა პროტესტის ნიშნად დატოვა.

ნინო ჯანგირაშვილი ამბობდა, რომ 2014 წლამდე მაუწყებლების მიერი მიღებულის სარეკლამო შემოსავლები იზრდებოდა, ამ წლიდან კი კლების ტენდენცია დაფიქსირდა. პარლამენტის თავმჯდომარე საწინააღმდეგოს ამტკიცებდა და აღნიშნავდა, რომ ტელეკომპანია კავკასიის დირექტორი იტყუებოდა.

პარლამენტში დღეს, 16 თებერვალს, საზოგადოებივი მაუწყებლის შესახებ კანონში შესატან ცვლილებებს განიხილავენ. სხდომას პარლამენტის თავმჯდომარესთან ერთად, საზოგადოებრივის მენეჯმენტი და სხვადასხვა მედიასაშუალებების წარმომადგენლები ესწრებიან.