ოსკარის მფლობელი მსახიობი, ნატალი პორტმანი ახალ ფილმში Vox Lux რუნი მარას ნაცვლად ითამაშებს. ფილმის რეჟისორი ბრედ კორბეტი იქნება, პარტნიორობას კი ჯუდ ლოუ გაუწევს.

ფილმის სიუჟეტი პოპ ვარსკვლავის, სელესტის ისტორიას მოგვითხრობს, რომელიც 1999 წელს იწყება და მის 15 წლიან კარიარაზე ყვება.

"ძალიან გვიხარია, რომ ფილმს ისეთი დიდებული მსახიობი შემოუერთდა, როგორიც ნატალი პორტმანია", - ამბობს ფილმის ერთ-ერთი პროდიუსერი მიშელ ლიტვაკი.

ჯერ-ჯერობით არ ვრცელდება ინფორმაცია იმაზე, თუ რატომ შეცვალა რუნი მარა ნატალი პორტმანმა.

ფილმისთვის სიმღერებს მომღერალი Sia შეასრულებს, გადაღებები კი პირველ თებერვალს ნიუ-იორკში დაიწყება.