სიზმარი ძილის პროცესში ნანახი არ არსებული რეალობაა, რომელიც სრულად წარმოაჩენს თქვენს უნიკალურ ფანტაზიის უნარსა და ქვეცნობიერში გადამალული სურვილებს, მისწრაფებებსა თუ შიშებს.

ხშირად იღვიძებთ შუაღამისას არასასურველი და მტანჯველი სიზმრიდან თავის დასაღწევად? უნდა იცოდეთ, რომ თქვენ არც პირველი ხართ და არც უკანასკელი, ვისაც ღამ-ღამობით საშნელი კოშმარი სტუმრობს და ტკბილად გამოძინების საშუალებას არ აძლევს.

დღეს კი 10 ყველაზე გავრცელებულ ღამის კოშმარს წარმოგიდგენთ, რომელიც ყველას მთელი გულით სძულს.

1. კბილების დაკარგვა

უმიზეზოდ და მტანჯველი ტკივილით დაკარგული კბილები, ყველა ჩვენგანის ღამის კოშმარი შეიძლება იყოს. ნაკლები კბილები კი ნაკლებ პრობლემას ნიშნავს, რადგან ამ შემთხვევაში თქვენი ძილი საუკეთესოდ არის დაცული და როგორც ხედავთ დადებითი მხარე ყველაფერს შეიძლება ჰქონდეს.

2. მონსტრები

თქვენივე ფანტაზიის მიერ გამოგონილ უცნაურ მონსტრებს ბავშვობაში აუცილებლად ნახავთ, თუ ასე არ არის, მაშინ გაცილებით დიდი პრობლემა გქონიათ და უმჯობესია მეხსიერების გაუმჯობესებაში წაივარჯიშოთ.

3. ავიაკატასტროფა

და აი დადგა ის ბედნიერი მომენტი, როდესაც ბარგი ჩაალაგეთ და სამოგზაუროთ, დიდი და კომფორტული თვითმფრინავით მიემგზავრებით, თუმცა მალევე ყველაფერი თავდაყირა დგება, აფეთქების დამაყრუებელი ხმა ისმის და რკინის მონსტრში გამომწყვდეული, არნახული სისწრაფით მიწისკენ იწყებთ ვარდნას.

4. როდესაც გაგვიანდება

ალბათ ხშირად დაგსიზმრებიათ მომენტი, როდესაც სადღაც აგვიანებთ და პრობლემის გადაჭრელად არანაირი გზა არ არსებობს. ამ დროს ჯობია სადმე ჩამოჯდეთ და უბრალოდ გაღვიძებას დაელოდოთ.

5. სიშიშვლე

საჯაროდ გაშიშვლების გრცხვენიათ? მაშინ თქვენთვის ეს სიზმარი ნამდვილი ღამის კოშმარი იქნება, რადგან რთულია ხალხით გადატენილ მატარებლის სადგურსა თუ სამსახურში, თანამშრომლების თანდასწრებით, ტრუსების ამარა, ან მის გარეშე ყოფნა.

6. ცოცხლად დამარხვა

თუ ტაფოფობია, ანუ ცოცხლად დამარხვის შიში გაქვთ, ეს სიზმარი ნამდვილად ბოლოს მოგიღებთ, თუმცა დაგამშვიდებთ და გეტყვით, რომ ინტერნეტში უხვად მოიპოვება ასეთი შემთხვევებისათვის განკუთვნილი სპეციალური ინსტრუქციები. უმჯობესია ცოდნით აღიჭურვოთ და დაუნდობელ ღამის კოშმარს მაქსიმალურად მომზადებული დახვდეთ.

7. სმარტფონის გატეხილი ეკრანი

აღსანიშნავია, რომ სმარტფონის გატეხვის ისტერიული შიში, მისივე მზარდ და აქამდე არნახულ ფასებთან ერთად მკვეთრად მატულობს, ამიტომ ნუ გაგიკვირდებათ თუ თქვენი ერთ-ერთი ღამის კოშმარი, ახლად ნაყიდი, ძვირადღირებული ტელეფონის დამსხვრევით დაიწყება და მშვიდ ძილს დაგიფრთხობთ.

8. გარდაცვლილი ადამიანები

გარდაცვლილი ადამიანების სიზმარში ნახვა, ერთ-ერთი ყველაზე საშნელი ღამის კოშმარია, რომლის ნახვასაც ალბათ მტერსაც არ უსურვებდით.

9. დახრჩობა

როდესაც სიზმარში იხრჩობით, გირჩევთ მომხიბვლელი მაშველების გამოჩენას ტყუილად ნუ დაუცდით, უმჯობესია გაცუროთ ან კოშმარის დასასრულს ერთ ადგილზე გაჩერებულმა დაუცადოთ.

10. სიმაღლიდან ვარდნა

თუ რომელიმე სიზმარს ყველაზე გავრცელებული შეიძლება ვუწოდოთ, ეს ნამდვილად არის სიმაღლიდან ვარდა, რომელსაც სწრაფი გაღვიძება და საშინლად უსიამოვნო განცდა მოსდევს, რადგან მიუხედავად იმისა რომ კოშმარი დასრულდა, ვარდნის დაუოკებელი შიში არსად გამქრალა.

თუ აქ ჩამოთვლილი სიზმრებიდან რომელიმე ჯერ არ დაგსიზმრებიათ, მაშინ მოემზადეთ, რადგან ყველასათვის არასასურველი ღამის კოშმარი, ნებისმიერ უწყინარ ღამეს შეიძლება გესტუმროთ.