ამერიკელი ტელეწამყვანი დევიდ ლეტერმანი ხანგრძლივი პაუზის შემდეგ ეკრანებზე ახალი შოუთი ბრუნდება.

My Next Guest Needs No Introduction [ჩემ შემდეგ სტუმარს წარდგენა არ სჭირდება] - ასე ჰქვია ნეტფლიქსისა და ლეტერმანის ერთობლივ შოუს, რომლის პრემიერაც 12 იანვარს შედგება.

ეკრანზე დაბრუნებული ლეტერმანის პირველი სტუმარი აშშ-ის ყოფილი პრეზიდენტი, ბარაკ ობამა იქნება. მისთვის ეს პირველი გამოჩენა იქნება შოუში მას შემდეგ, რაც პრეზიდენტი აღარ არის.

ახალი გადაცემის თითოეული ეპიზოდი თვეში ერთხელ გამოვა და როგორც ლეტერმანი ამბობს, მას მხოლოდ ერთი სტუმარი ეყოლება, რომელთანაც ერთი საათის განმავლობაში სხვადასხვა თემებზე ისაუბრებს.

ობამას შემდეგ ლეტერმანთან ვიხილავთ - ჯორჯ კლუნის, მალალა იუსუფზაის, ჯეი ზის, ტინა ფეის და ჰოვარდ სტერნს.

დევიდ ლეტერმანი ამერიკულ შოუ-ბიზნეში 1970-იან წლებში გამოჩნდა და რამდენიმე გადაცემა მიჰყავდა, ყველაზე ხანგრძლივად, თითქმის 35 წელი, მას Late Show with David Letterman მიჰყავდა.