რამდენიმე დღის წინ ამერიკულ კინოეკრანზე პოლ თომას ანდერსონის ფილმი Phantom Thread გამოვიდა, რომელშიც მთავარ როლს სამი ოსკარის მფლობელი მსახიობი დენიელ დეი ლუისი ასრულებს.

როგორც მსახიობმა რამდენიმე თვის წინ თქვა, ეს მისი უკანასკნელი კინოროლია, რომლითაც ის სამსახიობო კარიერას დაემშვიდობება.

პირველად ეს ინფორმაცია პრესასთან ლუისის პრესმდივანმა გააჟღერა.

"დენიელი კინოდან მიდის, ის უარს ამბობს მსახიობობაზე. ის მადლობელია ყველა იმ ადამიანის ვისთან ერთადაც მან წლების განმავლობაში იმუშავა. ეს მისი პირადი გადაწყვეტილებაა და ამ თემაზე მეტ კომენტარს აღარ გააკეთებს", - ამბობდა ლუისის პრესმდივანი ლესლი დარტი.

თუმცა მსახიობმა საბოლოოდ მაინც გადაწყვიტა ამ თემას გამოხმაურებოდა და განემარტა თუ რატომ გადაწყვიტა კინოდან წასვლა.

"სანამ ფილმის გადაღებებს დავიწყებდით, არ ვიცოდი რომ ამ გადაწყვეტილებას მივიღებდი. ვიცოდი, რომ ამ გადაწყვეტილებას არაერთგვაროვანი გამოხმაურება მოჰყვებოდა, თუმცა აღარ მინდა ახალ პროექტში ჩათვა. მთელი ჩემი ცხოვრება ვიცოდი, რომ ერთ დღეს ამ გადაწყვეტილებამდე მოვიდოდი და ასეც მოხდა, თუმცა არ ვიცოდი, რომ ამ ფილმის დროს მოხდებოდა ეს. ვგრძნობ, რომ ეს არის ის, რაც ახლა უნდა გავაკეთო", - ამბობს მსახიობი.

60 წლის ლუისმა საკუთარი კარიერის განმავლობაში არაერთი საინტერესო როლი შექმნა, იყო პრეზიდენტიც, მწერალიც, ბანდის მეთაურიც, რომანტიკოსიც და მკვლელიც.

ანდერსონის ფილმში ნათამაშები როლისთვის მსახიობმა ოქროს გლობუსის ნომინაცია მიიღო და ოსკარის ერთ-ერთ ფავორიტადას სახელდება.