2017 წლის ერთ-ერთი ყველაზე პოპულარული და წარმატებული ამერიკული ფილმი, The Shape of Water, საქართველოს კინოთეატრებში 18 იანვრიდან გავა. ფილმის რეჟისორი გილერმო დელ ტოროა, მთავარ როლებს კი სალი ჰოუკინსი, ოქტავია სპენსერი და რიჩარდ ჯენკინსი ასრულებენ.

გილერმო დელ ტოროს ახალი ფილმი არაამქვეყნიური ზღაპარია, რომელშიც მოქმედება ცივი ომის პერიოდის ამერიკაში, დაახლოებით 1962 წელს ხდება. ფარულ, განსაკუთრებულად დაცულ სამთავრობო ლაბორატორიაში ელიზა (სალი ჰოუკინსი) თანამშრომელ ზელდასთან (ოქტავია სპენსერი) ერთად, საიდუმლო ექსპერიმენტს აღმოაჩენს, რომელიც მათ ცხოვრებას სამუდამოდ ცვლის.

ფილმის ქართული პრემიერა 11 დეკემბერს, თბილისის მე-18 საერთაშორისო კინოფესივალზე შედგა.

The Shape of Water 2018 წლის ოსკარის ერთ-ერთ მთავარ ფავორიტად მოიაზრება, ამავდროულად კი მან ოქროს გლობუსის ყველაზე მეტი ნომინაცია მიიღო.