თბილისის მე-18 საერთაშორისო კინოფესტივალი წარმოგიდგენთ ვორქშოფს მსახიობებისთვის, რომელსაც გაუძღვება მსახიობი და ტრენერი ივან შვედოვი.

ივან შვედოვი

ივან შვედოვი

მონაწილეობის მიღების სურვილის შემთხვევაში, ქვემოთ ჩამოთვლილი დოკუმენტაცია უნდა გაგზავნოთ მისამართზე: [email protected], 2017 წლის 20 ნოემბრის 18:00-მდე:

• მსახიობის მოკლე ბიოგრაფია/ფილმოგრაფია;
• 2 ფოტოსურათი;
• მსახიობის წინა ნამუშევარი (ასეთის არსებობის შემთხვევაში);
• ვიდეო მასალა არაუმეტეს სამი წუთის ხანგრძლივობის, სადაც მსახიობები წარადგენენ საკუთარ თავს;
• მონოლოგი, ტექსტი, რომელზეც იმუშავებენ ვორქშოფზე (არაუმეტეს ნახევარი გვერდისა).

დამატებითი მოთხოვნები:
• ვორქშოფი ჩატარდება ინგლისურ ენაზე, შესაბამისად, მოთხოვნილი დოკუმენტები წარდგენილი უნდა იყოს ინგლისურ ენაზე;
• ვორქშოფში მონაწილეობა შეუძლიათ მსახიობებს 18 წლის ასაკიდან.

დამატებითი ინფორმაცია:
• ვორქშოფში მონაწილეობას მიიღებს 10-15 მონაწილე, რომელსაც შეარჩევს სპეციალური კომისია;
• შერჩეული მონაწილეების სია გამოქვეყნდება თბილისის საერთაშორისო კინოფესტივალის ვებ-გვერდზე არა უგვიანეს 2017 წლის 24 ნოემბრისა.

ამავდროულად, 5-7 დეკემბერს თბილისის საერთაშორისო კინოფესტივალის ფარგლებში გაიმართება ანიმაციის ვორქშოფი, რომელსაც ფრანგი რეჟისორი კლოე მაზლო გაუძღვება.

კლოე მაზლო

კლოე მაზლო

ვორქშოფის განმავლობაში, მონაწილეები სხვადასხვა მედიის გამოყენებით ანიმაციური დღიურის შექმნაზე იმუშავებენ.

ვორქშოფი ამ შემთხვევაშიც ინგლისურ ენაზე ჩატარდება.

ვორქშოფში მონაწილეობა შეუძლია ნებისმიერ მსურველს, განსაკუთრებით მათ, ვინც აუდიოვიზუალურ ხელოვნებასა და კინოშია ჩართული. მონაწილეთა ასაკი შეზღუდული არ არის.

თუმცა, შეზღუდულია მონაწილეთა რაოდენობა. სპეციალური კომისიის მიერ მოხდება 20 მონაწილის არჩევა, რომელთა ვინაობაც, თბილისის კინოფესტივალის ვებ-გვერდზე, 24 ნოემბერს გახდება ცნობილი.

მონაწილეობის მსურველებმა მოკლე სამოტივაციო წერილი ინგლისურ ენაზე უნდა გაგზავნოთ შემდეგ მისამართზე: [email protected].

კიდევ ერთი ვორქშოფი, რომელიც თბილისის მე-18 საერთაშორისო კინოფესტივალის მიმდინარეობის დროს გაიმართება მოკლემეტრაჟიანი და სრულმეტრაჟიანი მხატვრული ფილმების პროექტებს ეხება.

მოკლემეტრაჟიანი ფილმების ვოქრშოფი 5-7 დეკემბერს ჩატარდება და მას ბრიტანელი პროდიუსერი და ტრენერი კრისტიან რუთი გაუძღვება. სრულმეტრაჟიანი ფილმების ვორქშოფს კი, მარჯორი ბენდეკი, რომელიც 6-8 დეკემბერს გაიმართება.

ვორქშოფში მონაწილეობის მისაღებად საჭირო დეტალური ინფორმაცია შეგიძლიათ მიიღოთ აქ.

შეგახსენებთ, რომ თბილისის მე-18 საერთაშორისო კინოფესტივალი წელს 4-დან 10 დეკემბრის ჩათვლით გაიმართება.