ვისაც რ. ჯ. პალაციოს საოცრება წაგიკითხავთ, აუცილებლად დაგვეთანხმებით, რომ ეს ნაწარმოები ერთ-ერთი ყველაზე კეთილი, გულისამაჩუყებელი და გმირული ამბავია, ერთ საოცარ ბიჭსა და მის მეგობრებზე, რომლებიც პატარა ასაკში ისეთ პრობლემას აწყდებიან და ჭრიან, რომელსაც ბევრი ზრდასრული ადამიანი მთელი თავის ცხოვრების განმავლობაში ვერ ლახავს.

ფილმში ავგუსტ პულმანის როლს ჯეიკობ თრამბლი ასრულებს, მისი დედის როლში ჯულია რობერტსია, ხოლო მამის - ოუენ ვილსონი.

საოცრება უკვე ნახა ამერიკული გამოცემების დიდმა ნაწილმა. გთავაზობთ რამდენიმე ნაწყვეტს მათი რივიუებიდან.

"აირჩიე სიკეთე - ასეთია ფილმის მთავარი მესიჯი, რომელიც საოცრების ეკრანიზაციის პრომო-აქციებს ლაიტმოტივადაც გასდევდა. ჯულია რობერტსისა და ჯეიკობ თრამბლის წყვილი, ფილმის მთავარი პლიუსია, ისინი არაჩვეულებრივად ახერხებენ გადმოსცენ ის, რასაც დედა-შვილი ერთმანეთის მიმართ რეალურად გრძნობს და მთელი ფილმის განმავლობაში გვაცინებენ, უფრო ხშირად კი გვატირებენ. ეს არის ფილმი, რომელიც ნებისმიერ თქვენგან მადლიერების დღესა და ზამთრის არდადეგებს გაულამაზებს", - წერს The Hollywood Reporter-ის ჟურნალისტი.

ფილმის შესახებ საკუთარ მოსაზრებას გვთავაზობს Variety-ს კინომიმომხილველი ოუენ გლეიბერმანიც:

"ერთი შეხედვით საოჯახო ფილმი თვალსა და ხელს შუა დიდ დრამად გარდაიქმნება. ფილმის წინასაპრემიერო ჩვენებაზე მისული ჟურნალისტები და კრიტიკოსები დარბაზიდან თვალებ აწითლებულები გამოვედით. არ მახსოვს ბოლოს როდის ვიტირე ამდენი ფილმზე, თუმცა ეს არ ყოფილა მხოლოდ სევდისაგან გამოწვეული ცრემლები, ეს იყო სიცილის და ბედნიერების ცრემლებიც, რომელიც ძირითადად ჯულია რობერტსის არაჩვეულებრივი პერსონაჟისა და მისი ბრწყინვალე შესრულების დამსახურებაა. ორ საათიანი ფილმი გულგრილს არავის დატოვებს, მეტიც, იმდენად კარგად დაგანაყრებთ, რომ რამდენიმე დღის შემდეგაც კი თქვენი ერთადერთი საფიქრალი ავგუსტ პულმანი და მისი არაჩვეულებრივი ოჯახი იქნება", - წერს კინომიმომხილველი.

Wonder-ის შესახებ წერს Indiewire:

"საოცრება კარგი გაკვეთილია ბავშვებისთვის, მშობლებისა და თითოეული ჩვენგანისთვის, რომ ვისწავლოთ, გავიხსენოთ და ავირჩიოთ სიკეთე. მსახიობების არაჩვეულებრივი შესრულება, თუ არ ჩავთვლით ოუენ უილსონს, ნამდვილად A კლასის არის, რაც კიდევ უფრო მომხიბვლელს ხდის ფილმს. საოცრება ნამდვილად სანახავი ფილმია, ასე რომ მოჰკიდეთ ხელი თქვენს შვილებს და სასწრაფოდ წაიყვანეთ მის სანახავად", - წერს კინოკრიტიკოსი დეივიდ ერლიხი.

აღსანიშნავია, რომ ფილმის შესახებ საკუთარი აზრი რ.ჯ. პალაციომაც გამოთქვა, რომელიც იმ წიგნის ავტორია, რომლის მიხედვითაც ეკრანიზაცია გადაიღეს:

"ძალიან კარგი ფილმია, არაჩვეულებრივი სამსახიობო ანსამბლით, მუსიკით, გარემოთი და ა.შ. არაჩვეულებრივია ჯულია რობერტსიც დედის როლში და არ დავმალავ, პირდაპირ გეტყვით, რომ კინოთეატრიდან გამოსვლის შემდეგ, უფრო მეტიც, დღემდე მასზე ვფიქრობ, მგონია რომ ჯულიას დამსახურებაა ის, რომ ეს ფილმი აუცილებლად შედგება. ვერასდროს წარმოვიდგენდი, რომ ფილმის ყურების დროს მთელ ყურადღებას არა ავგუსტზე, არამედ დედის პერსონაჟზე გავაკეთებდი, მაგრამ რობერტსი ახერებს, რომ მთელი ჩემი ყურადღება მისკენ იყოს მიმართული. აღფრთოვენებული ვარ მენდი პატინკინითა და ვიას როლის შემსრულებლებითაც. რა თქმა უნდა ჯეიკობ თრამბლი, როგორც ყოველთვის, აქაც ბრყწყინავს.", - ამბობს ფილმის ავტორი რ.ჯ. პალაციო.