მსახიობი უმა თურმანი, რომელიც ლოს-ანჯელესში The Parisian Woman-ის პრემიერას ესწრებოდა, ჩვენების შემდეგ ერთ-ერთ ჟურნალისტთან საუბრისას სექსუალური შევიწროების თემას შეეხო.

"გამომდინარე იქიდან, რომ ბავშვი აღარ ვარ, კარგად ვიცი, რომ როდესაც ცხელ გულზე, გაბრაზებული ვსაუბრობ, გარკვეულწილად ვერ გამოვხატავ იმას რისი თქმაც მსურს. ახლა ძალიან გაბრაზებული ვარ ველოდები როდის გადამივლის. როდესაც მზად ვიქნები, ხმამაღლა ვიტყვი იმას, რაც სათქმელი მაქვს.", - თქვა თურმანმა.

შეგახსენებთ, რომ სექსუალურ შევიწროებაზე პირველად რამდენიმე თვის წინ დაიწყეს საუბარი, როდესაც ჰოლივუდის ერთ-ერთი ყველაზე გავლენიანი პროდიუსერი, ჰარვი ვაინშტაინი რამდენიმე ათეულმა ქალმა ძალადობაში დაადანაშაულა.