როგორც იცით, ქარიშხალმა მარიამ ყველაზე მეტად პუერტო რიკო დააზიანა. გარდა ფინანსური ზარალისა და მსხვერპლისა, რომელიც ამ სტიქიას მოჰყვა, კუნძულის ინფრასტრუქტურაც მთლიანად განადგურდა. ტერიტორიის 85%-ს ჯერ კიდევ არ მიეწოდება ელექტროენერგია.

ოქტომბრის დასაწყისში, კუნძულის გუბერნატორმა, რიკარდო როსელომ ილონ მასკს მიმართა და დახმარება სთხოვა.

მასკმა არ დააყოვნა და პირველი პროექტი უკვე წარმატებით დაიწყო. სან ხუანში მდებარე ბავშვთა საავადმყოფოს უკვე აღუდგა ელექტროენერგიის მიწოდება.

ტესლას და ილონ მასკს ჯერ არ უთქვამთ, რამდენად მასშტაბური იქნება პუერტო რიკოს ელექტროფიკაციის პროექტი, თუმცა ამბობენ, რომ პროცესში აქტიურად ჩაერთვებიან.