ორმა მარტივმა ინგლისურმა სიტყვამ, Me too [მეც], ინტერნეტი მოიცვა და ძალადობის წინააღმდეგ ქალების ერთიანობის და სოლიდარობის სიმბოლოდ იქცა.

კამპანია, რომელიც წინასწარ არ დაგეგმილა, ძალიან წარმატებული აღმოჩნდა, ის ტვიტერზე უკვე 1,7 მილიონჯერ, მსოფლიოს 85 ქვეყანაში გამოიყენეს.

ყველაფერი 15 ოქტომბერს დაიწყო, როდესაც მსახიობმა ალისა მილანომ ტვიტერის საშუალებით მსოფლიოს მიმართა:

"თუ ქალები დაწერენ Me Too-ს სტატუსად, როგორც სექსუალური სახის თავდასხმის შესახებ პირად გამოცდილებაზე, მაშინ იქნებ საზოგადოებამ დაინახოს პრობლემის სიდიდე".

კამპანია, #MeToo ჰოლივუდის გავლენიანი პროდიუსერის, ჰარვი ვაინშტაინის, სკანდალს მოჰყვა, რომლის კარიერაც იმ ქალებმა დაასრულეს, რომლებზეც ის ათწლეულების განმავლობაში ძალადობდა.

გაიგეთ მეტი: სექსუალური შევიწროება კინოინდუსტრიაში - ჰოლივუდი ჰარვი ვაინშტაინის წინააღმდეგ