საქართველოს უნივერსიტეტის ორგანიზებითა და ბაზისბანკის დაფინანსებით, წელს კიბერუსაფრთხოების რიგით მე-10 საერთაშორისო ფესტივალი IFCS ჩატარდება.

IFCS საერთაშორისო ღონისძიებაა, რომელიც უკვე წლებია აერთიანებს საჯარო და კერძო სექტორების წარმომადგენლებს, წამყვან ექსპერტებსა და ინოვატორებს. ფესტივალის მიზანია, კიბერუსაფრთხოების სფეროთი დაინტერესებულ პირებს გააცნოს ქვეყანაში არსებული აქტუალური ტენდენციები. ღონისძიების ფარგლებში მონაწილეებს შესაძლებლობა ექნებათ, დარგის წამყვანი პროფესიონალებისგან პრაქტიკული გამოცდილება მიიღონ, დეტალურად გააანალიზონ თანამედროვე გამოწვევები და გაეცნონ ინდუსტრიის სიახლეებს.

ფესტივალი მეათე, საიუბილეო წელს კიდევ უფრო დიდი მასშტაბითა და განახლებული ფორმატით ბრუნდება. ღონისძიება 2 ივლისს, Pullman Tbilisi Axis Towers-ში ჩატარდება. მისი მთავარი ნაწილი დარგის უცხოელი და ადგილობრივი წამყვანი სპიკერების მიერ საკუთარი გამოცდილების გაზიარება იქნება.

ღონისძიებაზე განიხილება შემდეგი თემები:

  • კიბერმედეგობა AI-ის ეპოქაში: როგორ იცვლება შეტევა, დაცვა და ნდობა.
  • ადამიანი, როგორც პირველი თავდაცვა: კიბერჰიგიენა, ცნობიერება, privacy და ინციდენტებზე რეაგირება.
  • Beyond the Perimeter — მონაცემთა გაჟონვის რეალური ანატომია თანამედროვე კომპანიებში.
  • თანამედროვე კიბერშეტევის ანატომია: identity compromise-დან data extortion-მდე.
  • AI დამცველებისთვის: SOC, threat hunting და incident response ავტომატიზაციის შესაძლებლობები.
  • თანამედროვე კიბერშეტევის ანატომია — ფიშინგის, ანგარიშების გატეხვისა და სოციალური ინჟინერიის live დემონსტრაციით.
  • საქართველოს ეროვნული კიბერმედეგობა: კრიტიკული ინფრასტრუქტურა და საჯარო-კერძო თანამშრომლობა.

ახალი გამოცდილების მისაღებად, ცოდნის გასაღრმავებლად და დარგობრივი კავშირების დასამყარებლად, ფესტივალის შესახებ დეტალურ ინფორმაციას გაეცანით ვებგვერდზე.

შეიძინეთ ბილეთები 25%-იანი ფასდაკლებით — გადადით ბმულზე.