საქართველოს ბანკი მეწარმეობის მხარდაჭერას აქტიურ რეჟიმში განაგრძობს. ამ მიზნით, გრძელდება მეწარმე ქალთა განვითარების პროგრამა, რომლის მე-18 ნაკადზე რეგისტრაცია დაიწყო. პროგრამის ფარგლებში დაგეგმილი ინტენსიური ვორკშოპები 9, 10 და 11 ივნისს ბათუმში გაიმართება.

ის ხორციელდება გაეროს განვითარების პროგრამის (UNDP), შვედეთის მთავრობის, ევროპის რეკონსტრუქციისა და განვითარების ბანკის (EBRD) და საქართველოს ბანკი ბიზნესის ხელშეწყობით.

პროგრამა 360°-იანი მხარდაჭერის პლატფორმაა, რომელიც ქალ მეწარმეებს სთავაზობს სრულფასოვანი განვითარების ეკოსისტემას — იდეის ჩამოყალიბებიდან მის წარმატებამდე.

ინიციატივა ეფუძნება ოთხ ძირითად ღირებულებას:

  • ცოდნა — პრაქტიკული ცოდნის მიღება ბიზნესის მართვისა და განვითარების მიმართულებით;
  • მხარდაჭერა — ინდივიდუალური მხარდაჭერა გამოცდილი მენტორებისგან;
  • გამოცდილება — რეალურ ბიზნეს ქეისებზე მუშაობა და პრაქტიკული სწავლება;
  • თანამშრომლობა — ძლიერი პროფესიული ქსელის შექმნა და პარტნიორობების განვითარება.

“მეწარმე ქალთა განვითარების პროგრამა მიზნად ისახავს ქალების ეკონომიკური გაძლიერების ხელშეწყობას, ინოვაციური ბიზნესიდეების წახალისებასა და რეგიონებში მეწარმეობის განვითარებას. საქართველოს ბანკი კვლავაც აქტიურად უჭერს მხარს ინიციატივებს, რომლებიც ქალ მეწარმეებს აძლევს შესაძლებლობას, განავითარონ საკუთარი ბიზნესი, გაზარდონ კონკურენტუნარიანობა და შექმნან გრძელვადიანი ეკონომიკური ღირებულება.“ — აცხადებს ეკატერინე ჭურაძე, საქართველოს ბანკის არაფინანსური პროდუქტების განვითარებისა და სუბსიდირებული პროექტების სამსახურის უფროსი.

პროგრამაზე რეგისტრაციისთვის ეწვიეთ ბმულს.