Universal-მა კრისტოფერ ნოლანის ოდისეას ახალი ტრეილერი გამოუშვა. ჰომეროსის ბერძნული ეპოსის სამყაროს უახლეს მიმოხილვაში ჩანს, როგორ ებრძვის მეთ დეიმონის ოდისევსი ციკლოპს, სანამ რობერტ პატინსონის ანტინოე ითაკის ტახტის დაუფლებას ცდილობს. ტრეილერი პირველად ორშაბათს, სტივენ კოლბერის გვიანი ღამის შოუს ეთერში გამოჩნდა.

დეიმონის გარდა, ფილმში ასევე თამაშობენ: ენ ჰეთეუეი ოდისევსის მეუღლის, პენელოპეს როლში, ტომ ჰოლანდი მათი ვაჟის, ტელემაქეს როლში, პატინსონი ითაკელი მაძიებლის, ანტინოეს როლში, ზენდეია სიბრძნის ქალღმერთის, ათენას როლში და შარლიზ ტერონი მოგვის ქალღმერთის, კირკეს როლში. მსახიობთა უზარმაზარ შემადგენლობაში ასევე შედიან ლუპიტა ნიონგო, ჯონ ბერნტალი, ბენი საფდი, ჯონ ლეგიზამო, ჰიმეში პატელი, უილ იუნ ლი, მია გოთი, ჯიმი გონსალესი, ელიოტ პეიჯი, ჯოვან ადეპო და ათობით სხვა ვარსკვლავი.

აპრილში CinemaCon-ზე ფილმის წარდგენისას, ნოლანმა თქვა — "როგორ უნდა მიიტანო ეს ამბავი თანამედროვე მაყურებლამდე? რა თქმა უნდა, პირველ რიგში, სამსახიობო შემადგენლობით. უფრო სწრაფად იმათი ჩამოთვლა შემიძლია, ვინც ამ ფილმში არ მონაწილეობს, ვიდრე მათი, ვინც მონაწილეობს. სიამოვნებით ჩამოვიყვანდი ყველას აქ, მაგრამ ამხელა ნიჭის სიმძიმე სცენას ჩაამტვრევდა".

ასევე ნახეთ: კრისტოფერ ნოლანის თქმით, ოდისეის გადაღებები "ნამდვილი კოშმარი იყო, თუმცა საჭირო"

ოდისეა ნოლანის მე-13 სრულმეტრაჟიანი ფილმია. სცენარი კი ძველი პოემის მიხედვით თავად დაწერა ემა თომასთან ერთად Syncopy-ის სახელით აწარმოა.

ნოლანისა და თომასის ბოლო ფილმი იყო 2023 წლის ოპენჰაიმერი, რომელმაც 958.8 მილიონი დოლარი შეაგროვა და ოსკარის 13 ნომინაცია მოიპოვა, მათ შორის 7 ნომინაციაში გაიმარჯვა: საუკეთესო ფილმი, საუკეთესო რეჟისორი, საუკეთესო კაცი მსახიობი (კილიან მერფი) და საუკეთესო კაცი მსახიობი მეორეხარისხოვან როლზე (რობერტ დაუნი უმცროსი).

ისევე, როგორც ოპენჰაიმერი 2023 წელს Warner Bros.-ის ბარბის პარალელურად გამოვიდა, ოდისეაც Disney-სა და Sony-ის მოსალოდნელ ბლოკბასტერთან, Spider-Man: Brand New Day-თან ერთად გამოვა, 17 ივლისს.

ოდისეა ისტორიაში პირველი სიუჟეტური ფილმი გახდება, რომელიც მთლიანად IMAX კამერებით გადაიღეს.