გურჯაანის მუნიციპალიტეტში ტრაილერი გზის სავალი ნაწილიდან გადავარდა. ამის შესახებ ინფორმაციას "მთავარი ამბები კახეთიდან" ავრცელებს.

მათი ცნობით, ავარია ბაკურციხე-თბილისის დამაკავშირებელ ცენტრალურ მაგისტრალზე, ბარჯისხევის მონაკვეთზე, დღეს დილით მოხდა. ტრაილერის მძღოლმა მოსახვევში საჭე ვერ დაიმორჩილა, მოცურდა და გზის სავალი ნაწილიდან გადავარდა.

დაზიანებულია მძღოლი, რომელიც სასწრაფო დახმარების ბრიგადამ საავადმყოფოში გადაიყვანა. ადგილზე მობილიზებული იყო საპატრულო პოლიცია და საგამოძიებო ჯგუფი.

ადგილობრივების თქმით, უხარისხო ასფალტის საფარის გამო, გზის ამ მონაკვეთში, ავარიები ხშირად ხდება.