ყურადღება! ტარგარიენების დინასტია მორიგი სასტიკი და ცეცხლოვანი ბრძოლისთვის ემზადება. HBO-მ სულ ახლახან House of Dragon-ის ახალი ტრეილერი გაავრცელა, რომლის მიხედვით წინ საოცარი სანახაობა გველის.

ტრეილერი რენეირას გეგმის აღწერით იწყება, სადაც ის დიდგვაროვნებს მიმართავს, რომ მისი მტერი, დედოფალი ალისენტ ჰაითაუერი, დრაგონსტოუნს ეწვია და რენეირას სასახლის კარიბჭის გაღების პირობა მისცა, რათა ის და მისი დრაკონები ქალაქში უბრძოლველად შევიდნენ. ამავე გეგმის მიხედვით, ალისენტი რენეირას რკინის ტახტს გადასცემს, რომელიც ახლა რენეირას ნახევარ-ძმას, ეიმონდს, უკავია.

კადრი სერიალის მესამე სეზონიდან

კადრი სერიალის მესამე სეზონიდან

ფოტო: HBO

ტრეილერის დარჩენილ ნაწილში ვხედავთ ბრძოლის სცენებს — გემებს, რომლებიც ერთმანეთს თავს ზღვაში ესხმიან და, რა თქმა უნდა, ვხედავთ დრაკონებს ბრძოლის ველზე.

რაც შეეხება მსახიობებს, House of Dragon-ის მე-3 სეზონით რამდენიმე ახალ მსახიობთან ერთად დაგვიბრუნდება. სერიალის ახალ სეზონში ჯეიმს ნორტონს, ტომი ფლანაგანსა და დენ ფოლგერს ვიხილავთ. სერიალის მსახიობების ძირითადი ნაწილი კი უცვლელი რჩება. მე-3 სეზონში მეთ სმიტს, ოლივია ქუქს, ემა დარსის, სტივ ტუსენს, იუენ მიტჩელს და სხვა პერსონაჟების შემსრულებელ მსახიობებს ისევ ვიხილავთ.

ფოტო: HBO

შეგახსენებთ, რომ House of Dragon სამეფო კარის თამაშების სპინოფია და მასში მოვლენები GOT-ში მომხდარ ისტორიამდე 200 წლით ადრე ვითარდება, სერიალს კი ჯორჯ მარტინის წიგნების სერიის Fire And Blood-ის მიხედვით იღებენ.

House of Dragon-ის გულშემატკივრებს ისღა დაგვრჩენია, გასულ სეზონებს კიდევ ერთხელ ბეჯითად გადავავლოთ თვალი და მოთმინებით დაველოდოთ ივნისს.

მანამდე კი, შეგიძლიათ სამეფო კარის თამაშების კიდევ ერთი სპინოფი, შვიდი სამეფოს რაინდი ნახოთ, რომელშიც მოქმედება GOT-ის მოვლენებამდე დაახლოებით ერთი საუკუნით ადრე ვითარდება.

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…