ბაზისბანკი, როგორც ბიზნესის ერთ-ერთი უმსხვილესი ფინანსური მხარდამჭერი, განაგრძობს სამშენებლო და დეველოპერულ კომპანიებთან პარტნიორობას. ამჯერად, გლდანში, I მიკრორაიონში, ანგია ბოჭორიშვილის N37-ში კომპანია კოხტა უბანი ახალ საცხოვრებელ კომპლექსს აშენებს.

დეველოპერული კომპანია კოხტა უბანი სამშენებლო ბაზარზე 2007 წლიდან მოღვაწეობს. მრავალწლიანი გამოცდილების მქონე კომპანია გამოირჩევა უნიკალური დიზაინის პროექტებითა და მაღალი ხარისხის მშენებლობებით. კოხტა უბნის საქმიანობის სფერო მოიცავს, როგორც მრავალბიანიანი და მრავალფუნქციური კომპლექსების, ისე ერთბინიანი საცხოვრებელი სახლების მშენებლობას.

ახალი საცხოვრებელი პროექტი მოსახერხებელი ლოკაციით გამოირჩევა, მდებარეობს ახმეტელის მეტროდან რამდენიმე წუთის სავალ მანძილზე. აღნიშნული პროექტი უნიკალურია არქიტექტურით, ითვალისწინებს მოპირკეთებას ბუნებრივი ქვითა და მუქი მეტეხის აგურით. მნიშვნელოვანია, რომ შენობა აღჭურვილი იქნება სახანძრო უსაფრთხოებით, რაც ინფრასტრუქტურის პირობების დაცვას გულისხმობს. ბინების მინიმალური ფართი 47 კვ.მ.-დან იწყება. აღსანიშნავია, რომ კოხტა უბნის პროექტებით ლოკალური უბნები უფრო ლამაზი და მიმზიდველი ხდება, შენობების საინტერესო კონცეფცია კი მომავალი მობინადრეებისთვის თანამედროვე და კომფორტულ საცხოვრებელ პირობებს ქმნის.

პროექტი დასრულდება 2028 წელს და მომავალ მცხოვრებლებს ჩაბარდება თეთრი ან მწვანე კარკასის კონდიციაში.

ბაზისბანკი, კოხტა უბნის გლდანის I მიკრორაიონში ახალ საცხოვრებელ კომპლექსში ბინის შესაძენად მარტივ იპოთეკურ სესხს გთავაზობთ. განაცხადის შევსება შესაძლებელია ონლაინ.