მრავალწლიან ტრადიციაში ორჯერ "ჩავარდნის" შემდეგ, 2025-ში საქართველოს სტატისტიკა ერთი მიმართულებით ძველ ნიშნულს დაუბრუნდა...

გლობალური მასშტაბით ერთ-ერთი უდიდესი პორნოგრაფიული ვებსაიტი PornHub, როგორც წესი, წლის მიწურულს აქვეყნებს დაჯამებულ სტატისტიკას და მონაცემებს. ამ ანგარიშში, სადაც განხილულია, ვინ, სად, როდის, როგორ და რას უყურებდა, ბევრი საინტერესო დეტალი ხვდება ხოლმე. მაგალითად, გავრცელებული ტენდენციაა, რომ იმ ქვეყნებში, სადაც მწვავე ჰომოფობიური და ტრანსფობიური განწყობებია, ამ კატეგორიების პორნოგრაფიული მასალა დიდი პოპულარობით სარგებლობს ხოლმე.

ამ ტენდენციას უკვე მრავალი წელია, ამყარებს საქართველოს სტატისტიკაც. ქართული ოცნების ხელისუფლების მძვინვარე ანტი-ლგბტქ პოლიტიკის მიუხედავად, 2025 წელს ჩვენს ქვეყანაში ყველაზე პოპულარული ისევ ლესბოსური პორნო იყო.

ფოტო: PornHub

ლესბოსური პორნო საქართველოში ყველაზე პოპულარული კატეგორია გახლდათ ზედიზედ რამდენიმე წლის განმავლობაში, მათ შორის, 2017, 2018, 2019, 2021 და 2022 წლებში. სიტუაცია 2023 წელს შეიცვალა, როცა ყველაზე პოპულარული კატეგორია საქართველოში ე.წ. რეალითი პორნო გახდა, შარშან კი პირველობა MILF კატეგორიას ერგო.

ჩვენს სამეზობლოში MILF ისევ ყველაზე პოპულარულ კატეგორიად რჩება თურქეთში, სომხეთსა და აზერბაიჯანში. აი, რუსეთში კი პირველობა ტრანსგენდერების კატეგორიას ხვდა წილად.

რაც შეეხება 2025-ის სხვა მონაცემებს: ჯამში, წლის ყველაზე პოპულარული კატეგორია ვებსაიტზე ასევე ლესბოსური პორნო გახლდათ. მეორე ადგილზე აღმოჩნდა ტრანსგენდერების კატეგორია, რომელიც წინა წლის შემდეგ ხუთი პოზიციით დაწინაურდა. პლატფორმის ცნობით, ლგბტქ კონტენტზე მოთხოვნამ სხვა მიმართულებითაც იმატა: ტერმინ "ქვიარის" ძიება 132%-ით, ტერმინ "ბისექსუალის" ძიება კი 88%-ითაა გაზრდილი.

2025 წელს პორნოგრაფიულ ვებსაიტს ყველაზე მეტი ვიზიტორი აშშ-იდან ჰყავდა, რეიტინგში მომდევნო ადგილებს მექსიკა, ფილიპინები, ბრაზილია და გერმანია იკავებენ. ვიზიტორების საშუალო ასაკი 38 წელია, თუმცა, პლატფორმა ყველაზე პოპულარული 18-24 წლის ასაკობრივ სეგმენტშია, რომელიც მაყურებლების 29%-ს შეადგენს.

ასევე იხილეთ: