Cryptal-ის მობილურ აპლიკაციაში განახლებათა მნიშვნელოვანი სერიაა, რომელმაც განაპირობა, რომ კრიპტოს ყიდვა, გაყიდვა, სხვასთან გადარიცხვა და ა.შ. კიდევ უფრო მოსახერხებელი გახდა, მიუხედავად იმისა, აქვს თუ არა ადამიანს გამოცდილება ამ სფეროში. განახლებები ორიენტირებულია მოხერხებულ გადახდებზე, მომხმარებელთა გამოცდილების გაუმჯობესებასა და ტექნიკურ წინსვლაზე, რაც საბოლოო ჯამში კრიპტო ხელმისაწვდომობის ზრდას ემსახურება.

ბლოგში დეტალურად ვისაუბრებთ ყველა იმ სიახლესა და გაუმჯობესებაზე, რომლებიც კრიპტალის აპლიკაციაში მომხმარებლებს დახვდებათ.

კრიპტოს ყიდვა ახალი გზებით: უფრო სწრაფად, მარტივად და მოხერხებულად

Apple Pay & Google Pay ინტეგრაცია

ციფრული აქტივის პირველად ყიდვა ან პირველი სავაჭრო ორდერის განხორციელება ასე მარტივი ჯერ არასდროს ყოფილა. კრიპტალის მომხმარებლებს, რომლებიც iOS მოწყობილობებს იყენებენ ახლა უკვე Apple Pay-ს გამოყენება შეუძლიათ, ხოლო ანდროიდის მომხმარებლებისათვის ხელმისაწვდომი გახდა Google Pay.
ორივე მეთოდით კრიპტოს ყიდვა მომენტალურ ხდება, ბარათის ნომრებისა და სხვა დეტალების შეყვანის გარეშე. მარტივი, სწრაფი და უსაფრთხო გზა პირდაპირ აპლიკაციაში.

მერე ბარათი: კრიპტოს ყიდვა განვადებით

ერთ-ერთი ყველაზე მნიშვნელოვანი სიახლე, რომელიც აპლიკაციაში გამოჩნდა, სილქ ბანკის მერე ბარათია. განახლება მომხმარბლებს საშუალებას აძლევს ციფრულ ვალუტებთან კიდევ უფრო მოქნილად იურთიერთონ და კრიპტო განვადებით შეიძინონ.
სიახლე იდეალურია მათთვის, ვისაც კრიპტო ბაზარში ჩართვა და ხარჯების ეტაპობრივად განაწილება სურს. განსაკუთრებით იმ სპეციფიკიდან გამომდინარე, რომლის პირობებშიც მომხმარებელს კრიპტოს მიღება მერე ბარათის გამოყენებით 0%-ად შეუძლია, ანუ იხდის იმდენს, რამდენსაც ყიდულობს და არაფერ ზედმეტს — ეს კი, ფასების ზრდის პერიოდში დამატებითი კაპიტალის დაგენერირების შესაძლებლობაა.

ვალუტების გაზრდილი არჩევანი: კრიპტო აშშ დოლარითა და ევროთი პირდაპირ ბარათიდან

განახლებული აპლიკაციის წყალობით, მომხმარბლებს ამიერიდან კრიპტოს ყიდვა საბანკო გადარიცხვის გარდა ბარათით, პირდაპირ აშშ დოლარისა (USD) და ევროს (EUR) გამოყენებით შეუძლიათ. ეროვნულ ვალუტასთან ერთად, დამატებითი არჩევანი მომხმარებლებს მეტ კომფორტს უქმნის და განსაკუთრებით მნიშვნელოვანია მათთვის, ვისაც საერთაშორისო ვალუტებით ვაჭრობა ან მულტისავალუტო გარემო სურს. დამატებით, საბანკო ბარათი ზრდის აქტივების შეძენის სისწრაფეს, რომელიც კრიპტო ინდუსტრიაში ასე კრიტიკულად მნიშვნელოვანია.

მეტი კომფორტი და უფრო მოსახერხებელი გამოცდილება

განახლებული დიზაინი

აპლიკაციის განახლებული ინტერფეისი უფრო მსუბუქი, სუფთა და ინტუიციურია. ახალი ნავიგაციისა და განლაგებების გამო, ახლა ყველაფერი უფრო მარტივია — დაწყებული ბალანსის შემოწმებიდან, ტრანზაქციების განხორციელებით დასრულებული. ნებისმიერი გამოცდილების მომხმარებლისთვის, კრიპტალის აპლიკაციით სარგებლობა ახლა უფრო მარტივი და სწრაფია.

WhatsApp ინტეგრაცია SMS შეტყობინებებისთვის

უსაფრთხოების სხვადასხვა ტიპის შეტყობინებების სისწრაფისა და სანდოობის გასაზრდელად, მომხმარბლებს ახლა შეუძლიათ მნიშვნელოვანი SMS-ები, მაგალითად ვერიფიკაციის კოდები, პირდაპირ WhatsApp-ით მიიღონ.
ეს პატარა, მაგრამ მნიშვნელოვანი განახლება უზრუნველყოფს, მომხმარებლებისთვის საჭირო კოდების სწრაფად მიღებას, მაშინაც კი, თუ ტრადიციული ტიპის SMS შეტყობინების მისაღებად ქსელი შეფერხებულია ან შეტყობინება იგვიანებს.

უფრო ჭკვიანი და გამჭვირვალე საინფორმაციო გარემო

Open Banking საბანკო გადარიცხვით ბალანსის შევსებისას

Cryptal-ის აპლიკაციაში, საბანკო გადარიცხვის გამოყენებით ბალანსის შევსებისას ახლა უკვე Open Banking-იც ხელმისაწვდომია. ამიტომ ტრანზაქციები უფრო სწრაფი, ავტომატიზირებული და მოსახერხებელია.
მომხმარებლებს შეუძლიათ პირდაპირ დააკავშირონ საკუთარი საბანკო ანგარიშები და შეავსონ ბალანსი მარტივად, დეტალების ხელით შეყვანის გარეშე.

ყველაზე იაფი ქსელის აღნიშვნა

კრიპტოს გაგზავნისას, მომხმარებლები ნახავენ აღნიშვნას, რომელიც აჩვენებს, თუ რომელი ქსელი გამოირჩევა იმ მომენტში ყველაზე დაბალი საკომისიოებით.
ეს ადამიანებს, განსაკუთრებით დამწყებებს, ეხმარება აირჩიონ ყველაზე ეფექტური ვარიანტი და თავიდან აირიდონ ბლოკჩეინთან და ქსელთან დაკავშირებული ზედმეტი საკომისიო დანახარჯები. ამ მარტივი, მაგრამ მოქნილი განახლების წყალობით, ახლა უკვე ყველას შეუძლია ნახოს, რომელია საუკეთესო გზა ტრანზაქციებისათვის.

ქსელის ხარვეზის აღნიშვნა

თუ კონკრეტულად რომელიმე ქსელი, მაგალითად BEP-20, დროებით მიუწვდომელია ან რაიმე ხარვეზი ფიქსირდება, აპლიკაცია მომხმარებლებს სპეციალური აღნიშვნით ანიშნებს, რომ ქსელი ამ ეტაპზე არ ფუნქციონირებს და მისი გამოყენება რეკომენდებული არ არის.
შეტყობინება ნათლად ხსნის პრობლემის მიზეზს, გვაჩვენებს სტატუსს და გვაწვდის ინფორმაციას, თუ როდის არის ქსელის აღდგენა მოსალოდნელი.
ამგვარი გამჭვირვალობა გამორიცხავს ზედმეტ პრობლემებს და გვეხმარება იმაში, რომ ჩვენი კრიპტო მოგზაურობა შეფერხებების გარეშე, კომფორტულად წარიმართოს.

რატომ განახლდა აპლიკაცია?

წლის ყველაზე დიდი, ბოლო განახლების შესახებ, Cryptal-ის აპლიკაციის Product Owner, მარიამ ჯინჭარაძე მოგვიყვება და გვეტყვის, რატომ გახდა ის საჭირო:

“კრიპტალის გუნდში მუდმივად ვზრუნავთ, რომ აპლიკაცია იყოს კიდევ უფრო სწრაფი, მოქნილი და კომფორტული.

თითოეული განახლების დაგეგმვისას პირველ რიგში ვაანალიზებთ და ვითვალისწინებთ მომხმარებლების რეალურ საჭიროებებსა და უკუკავშირს, რაც გვეხმარება, როგორც არსებული ფუნქციონალის გაუმჯობესებაში, ისე სიახლეების დანერგვაში.

ჩვენთვის მთავარი პრიორიტეტი მომხმარებელზე ზრუნვა და გამოცდილების უწყვეტი გაუმჯობესებაა, კრიპტო სამყაროს უახლესი ტრენდებისა და ტექნოლოგიების გათვალისწინებით.”

უკეთესი აპლიკაცია — უკეთესი კრიპტო გამოცდილება

წლის ყველაზე დიდი განახლებით, Cryptal აუმჯობესებს გამოცდილებას და აქცენტს კომფორტზე, სისწრაფესა და სიმარტივეზე აკეთებს. ყოველი სიახლე ორიენტირებულია იმაზე, რომ მომხმარბელებს, მათი გამოცდილების მიუხედავად, იცოდნენ ყველაფერი თავიანთ კრიპტო აქტივებზე, შეეძლოთ მათი კონტროლი ნაკლები დაყოვნებითა და გაზრდილი უსაფრთხოებით.

თუ გსურს გამოსცადო განახლება, ჩამოტვირთე კრიპტალის აპლიკაცია iOS და Android მოწყობილობებზე App Store-დან და Google Play Store-დან.