ვუდი ალენი რუსეთის კინოფესტივალზე გამოჩენის გამო გამოწვეულ კრიტიკას გამოეხმაურა, მას შემდეგ, რაც უკრაინის მთავრობამ ოსკარის მფლობელი რეჟისორის რუსეთში სტუმრობას "შეურაცხყოფა" უწოდა.

"როდესაც საქმე უკრაინაში კონფლიქტს ეხება, მტკიცედ მჯერა, რომ ვლადიმერ პუტინი სრულიად ცდება. ომი, რომელიც მან გამოიწვია, შემზარავია", — განაცხადა ალენმა CNN-ისთვის ორშაბათს გაგზავნილ განცხადებაში — "მაგრამ, რაც არ უნდა გაეკეთებინათ პოლიტიკოსებს, არა მგონია, რომ ხელოვანებთან კონტაქტის გაწყვეტა დახმარების კარგი გზა იყოს".

ალენმა განცხადება მას შემდეგ გააკეთა, რაც უკრაინის მთავრობამ რეჟისორის მოსკოვის კინოფესტივალზე მთავარი სტუმრის სტატუსით გამოჩენაზე გააკრიტიკა.

"ვუდი ალენის მოსკოვის საერთაშორისო კინოკვირეულში მონაწილეობა სირცხვილი და შეურაცხყოფაა უკრაინელი მსახიობებისა და კინორეჟისორების მიმართ, რომლებიც რუსმა სამხედროებმა ომის დროს მოკლეს ან დაჭრეს ", — ნათქვამია უკრაინის საგარეო საქმეთა სამინისტროს განცხადებაში, რომელიც ორშაბათს გავრცელდა.

მოსკოვის საერთაშორისო კინოფესტივალის სპონსორები არიან — რუსული სახელმწიფო მედია, სახელმწიფო კომპანიები და მოსკოვის მერია.

ვუდი ალენი მოსკოვის საერთაშორისო კინოფესტივალზე

ვუდი ალენი მოსკოვის საერთაშორისო კინოფესტივალზე

ფოტო: Dmitry Belitsky / Moskva News Agency

ფესტივალის ოფიციალურ Telegram არხზე გამოქვეყნებულ ფოტოზე 89 წლის კინორეჟისორი ვიდეოზარის საშუალებით ესაუბრება რუს რეჟისორ, ფიოდორ ბონდარჩუკის, რომელიც პუტინის მხარდამჭერია და საჯაროდ უჭერს მხარს რუსეთის შეჭრას უკრაინაში.

ფესტივალის პრესსამსახურის ცნობით, ალენმა განაცხადა, რომ მას რუსული კინო მოსწონს და მიუხედავად იმისა, რომ რუსეთში ფილმის გადაღებას არ გეგმავს, მას "მოსკოვისა და სანქტ-პეტერბურგის მიმართ მხოლოდ დადებითი ემოციები აქვს".

აღსანიშნავია, რომ რეჟისორის გამოჩენას რუსეთის ელჩი, კირილ დმიტრიევიც გამოეხმაურა. მისი თქმით ალენის ფესტივალზე გამოჩენამ დაამტკიცა, რომ "რუსეთი იზოლირებული არ არის".

რაც შეეხება რეჟისორს, მისი ბოლო ორი ფილმი — რიფკინის ფესტივალი და Coup de Chance — ევროპული წყაროების ფინანსური მხარდაჭერით გადაიღეს. მოგვიანებით, ალენმა ამაზონის წინააღმდეგ დაწყებული სამართლებრივი დავა დაიწყო, რომელიც დილან ფეროუს მიერ 2014 წელს გამოქვეყნებული ღია წერილით იყო გამოიწვეული, სადაც ეწერა, რომ ალენმა მასზე 7 წლის ასაკში სექსუალურად იძალადა.

2024 წელს ალენმა განაცხადა, რომ ის შესაძლოა პენსიაზე გავიდეს, მისი თქმით — "კინოგადაღების ყველანაირი რომანტიკა გაქრა".