2 ოქტომბერს, ორ საათზე, თბილისის მერიასთან ერთიანი ნაციონალური მოძრაობა აქციას გამართავს. ამის შესახებ პარტიის მერობის კანდიდატმა, ზალიკო უდუმაშვილმა ბრიფინგზე განაცხადა.

"ეს [თბილისელების ინტერესების დაცვა] არ არის რიტორიკა, ეს არის ჩვენი ცხოვრების საქმე", - განაცხადა უდუმაშვილმა. მისივე თქმით, ნაციონალური მოძრაობა არ დაუთმობს ბიძინა ივანიშვილს ბოტანიკურ ბაღს და არ შეეგუება, რომ ივანიშვილს გადაეცეს ნახევარი თბილისი:

"არჩევნებში გამარჯვების შემდეგ, ბუნებრივია, ყველა ის უკანონო გადაწყვეტილება გაბათილდება, რომელიც თბილისის წინააღმდეგ იყო მიმართული."