ლას-ვეგასში გატარებული ზოგიერთი ღამე ნამდვილად გაიძულებს, ეჭვქვეშ დააყენო ის, რა ნახე სინამდვილეში — რადგან შესაძლოა, ერთ ჩვეულებრივ დღეს ჯასტინ ბიბერს წააწყდე, რომელიც კლუბში სიმღერა Baby-ს მღერის.

სწორედ ასე მოტყუვდნენ ამ კლუბში მყოფი ადამიანები, რომლებსაც ეგონათ, პერფორმანსს ნამდვილი ჯასტინ ბიბერი ასრულებდა. ვეგასის ორეული მომღერლის იმ ვრცელ სიას შეუერთდა, რომელშიც ასევე შეხვდებით 2017 წლის ორეულს, რომელმაც ინტერნეტ სივრცეში თავისი თავი ბიბერად გაასაღა და რამდენიმე დანაშაულის ჩადენის შემდეგ 15 წლით თავისუფლების აღკვეთა მიესაჯა.

@gryffin biebergate2025 #justinbieber ♬ original sound - Gryffin

ჯასტინ ბიბერის ორეულმა ასობით ადამიანის მოტყუება მოახერხა და ღამის კლუბიც კი დაიყოლია, რომ მისთვის სიმღერის შესრულების უფლება მიეცა. თუმცა ყალბი ბიბერი მხოლოდ ამას არ დასჯდერდა, პერფორმანსის დასრულების შემდეგ ის ფანებთან ერთად ფოტოებსაც იღებდა.

მოგვიანებით, ჯასტინ ბიბერის ორეულის ვიდეო სოციალურ ქსელებში ვირუსულად გავრცელდა. ინტერნეტ მომხმარებლების თქმით, ორეული "ჯასტინ ბიბერი ტემუდან" იყო, ნაწილი ფიქრობდა, რომ ის ორიგინალს საერთოდ არ ჰგავდა და უკვირდათ, როგორ გააცურა მან ამდენი ადამიანი.

ფოტო: TikTok / @edwinrecon1, @ireneclaire

ღამის კლუბ XS-ის წარმომადგენლებმა TMZ-ს განუცხადეს, რომ ორეულს მათ საკუთრებაში შესვლა განუსაზღვრელი ვადით აეკრძალა. მათ გამოცემას განუცხადეს, რომ "ფაქტის აღმოჩენისთანავე, ის ადგილიდან გააძევეს და შესვლა აუკრძალეს".

რაც შეეხება ნამდვილ ჯასტინ ბიბერს, გასულ თვეს, ის, თითქმის, 4-წლიანი პაუზის შემდეგ, ახალი მუსიკალური ალბომით დაბრუნდა. ბიბერმა თავისი მეშვიდე სტუდიური ალბომი — Swag — დაანონსებიდან სულ რაღაც ერთ საათში გამოუშვა.

ასევე ნახეთ: