ამ კვირაში უკვე მეორედ, ქალთა NBA-ს თამაშისას უცნაური მოვლენა მოხდა — მოედანზე სექს სათამაშო ისროლეს. Golden State Valkyries-სა და Chicago Sky-ს დაპირისპირების მესამე მეოთხედში ნასროლი მწვანე სათამაშო მოედნის სივრცეში, ერთ-ერთი კალათის ქვეშ დაეცა.

თამაში Sky-ს თავდასხმისას შეჩერდა და მსაჯმა ნივთი მოედნიდან გადააგდო, შემდეგ კი პირსახოცით აიღეს და მოაშორეს.

"ეს დიდი უპატივცემულობაა", — განაცხადა Sky-ის მოთამაშე ელიზაბეტ უილიამსმა.

ვერ ვიგებ ამის აზრს, ნამდვილი ბავშვობაა. ვინც ამას აკეთებს, უბრალოდ უნდა გაიზარდოს

ამ ინციდენტამდე 3 დღით ადრე კი იგივე მოვლენა ჯორჯიას შტატში, Valkyries-სა და Atlanta Dream-ის თამაშზე მოხდა.

შემთხვევის გამეორების შემდეგ ქალთა NBA-ს მოთამაშეებმა თავისი უკმაყოფილება გამოხატეს, არენების დაცვას მეტი ყურადღებისკენ მოუწოდეს და თქვეს, რომ მოედანზე ნივთების სროლა ძალიან სახიფათოა, რადგან შესაძლოა რომელიმე მოთამაშე დააზიანოს.

ქალთა NBA-ს განცხადების მიხედვით, ნებისმიერი მაყურებელი, რომელიც მსგავს ქმედებას ჩაიდენს, ლიგაზე მინიმუმ 1 წლით აღარ დაიშვება.

ლიგის წარმომადგენელმა კი განაცხადა, რომ ატლანტაში მომხდარ ინციდენტში მონაწილე პირი იდენტიფიცირებული და დაკავებულია, თუმცა მისი ვინაობა საზოგადოებისთვის უცნობია.