მუსიკოსი და მსახიობი დემი ლოვატო და მომღერალი და სიმღერების ავტორი ჯორდან “ჯუტს” ლუტსი ოფიციალურად დაქორწინდნენ. წყვილი ერთმანეთს 2022 წლის იანვარში, ხმის ჩამწერ სტუდიაში შეხვდა, როდესაც ერთად მუშაობდნენ დემის ალბომზე Holy Fvck. გაცნობიდან თითქმის ორი წლის შემდეგ, 2023 წლის დეკემბერში, ჯორდანმა დისნეის ვარსკვლავს ხელი სთხოვა. დემის ნიშნობის ბეჭედს მსხლის ფორმის ბრილიანტი ამშვენებს, რომელიც ჯასტინმა დიზაინერ ტერესა პანიკოსთან ერთად შექმნა.

ქორწილი კალიფორნიაში ამ შაბათ-კვირას გაიმართა. პატარძალს მარგალიტის ფერის ვივიენ ვესტვუდის კაბა ეცვა, რომელიც აბრეშუმის სატინითა და კორსეტი რომელიც დამზადებული იყო მძიმე აბრეშუმის სატინით ქსოვილისგან იყო შეკერილი და კორსეტის ზედა ნაწილით გამოირჩეოდა. "დიდი ხანია, რაც ვივიენ ვესტვუდის დიზაინების ფანი ვარ" — უთხრა დემიმ Vogue-ს.

"როდესაც ვფიქრობდი, როგორი სტილის კაბა მინდოდა, ისევ და ისევ ვივიენის დიზაინებს ვუბრუნდებოდი — განსაკუთრებით მომწონდა ის, თუ როგორ უსვამს ხაზს მისი კაბები სხეულის ფორმებს და ის, თუ როგორ იყენებს ბრენდი კორსეტებს" — დაამატა მან. დემიმ თავის საქორწილო ჩაცმულობაზე სტილისტ ჯილ ჯეიკობსთან ერთად იმუშავა. მომღერალმა ლუქი ერთშრიანი, სპილოსძვლისფერი ფატით გააფორმა.

კაბის შექმნის პროცესმა ლოს-ანჯელესში ხუთი მორგების შეხვედრა მოიცვა. ამ პროცესისთვის ვივიენ ვესტვუდის კუტიურის გუნდი ლონდონიდან ჩამოვიდა. ყველაფერი იმით დაიწყო, რომ დემიმ ინტერნეტში ნახა ვესტვუდის კაბის ფოტო, რომელმაც მისი ყურადღება მიიპყრო. სწორედ ეს ფოტო გახდა შთაგონების წყარო და ამ სურათზე დაყრდნობით გუნდმა შექმნა უნიკალური, დემისთვის განკუთვნილი მოდელი — მათ კაბის ქვედა ნაწილის დიზაინში ცვლილებები შეიტანეს, ზედა ნაწილი კი დემის პროპორციებს მოარგეს. "მხოლოდ შთაგონებით არ შემოვიფარგლეთ — დეტალები, რომლებიც დავამატეთ, ამ კაბას ჩემთვის განსაკუთრებულს ხდის," — ამბობს დემი.

კაბა დემის საყვარელ დეტალს, კორსეტს მოიცავს რომანტიკულ, მხარზე გადაწეულ დეკოლტესთან და წელზე შეკრულ სილუეტთან ერთად. დიზაინის ინსპირაცია ნაწილობრივ მე-18 საუკუნის მოდა იყო, ხოლო ქვედა ნაწილის A-ს ფორმის ნაკეცები — ანტიკური ბერძნული ქანდაკებების სტილს მოგვაგონებს.

დემი აღნიშნავს, რომ ვესტვუდის გუნდთან ერთად მუშაობა ინტენსიური და დეტალური იყო. პირველი სესია სხვადასხვა ზედისა და ქვედის შერწყმის მცდელობას დაეთმო. ამის შემდეგ დიზაინერებმა ნელ-ნელა რეალობად აქციეს დემის წარმოდგენა კაბის შესახებ. დემი ყველა გადაწყვეტილებაში იღებდა მონაწილეობას, პატარასა თუ დიდში. "ყველაფერი მიყვარს ამ კაბაში," — ამბობს ის.

სტუმრების მიღების ცერემონიაზე დემიმ ვივიენ ვესტვუდის კიდევ ერთი კაბა მოირგო — ამჯერად თეთრი აბრეშუმის სატინის სვეტისებრი მოდელი, კორსეტითა და ჩამოშლილი მარგალიტებით დეკოლტეს ნაწილზე. მოდელს Audrey ეწოდება და კლასიკური სილუეტის თანამედროვე ვერსიას წარმოადგენს ასიმეტრიული ელემენტით, რომლებიც კინემატოგრაფიის ოქროს ხანითაა შთაგონებული.

"მეორე კაბის მარგალიტების დეტალებზე დიდი ყურადღება იყო გამახვილებული," — ამბობს დემი. "ყოველი მარგალიტის ძაფი ხელით იყო გადმოდებული და მიმაგრებული — თითო-თითოდ. ეს უნიკალური კაბაა, რომელიც განსაკუთრებულად მაგრძნობინებს თავს."