კანის 78-ე საერთაშორისო კინოფესტივალი 2025 წლის 13-24 მაისს ტარდება საფრანგეთის ქალაქ კანში. ფესტივალის ჟიურის თავმჯდომარე წელს ფრანგი მსახიობი ჟულიეტ ბინოშია, რომელიც 40 წლის წინ პირველად გამოჩნდა კანის წითელ ხალიჩაზე. ჟიურის წევრებს შორის არიან ჰოლი ბერი, ალბა რორვახერი, კარლოს რეიგადასი, პაიალ კაპადია, ჰონ სანგ-სუ, ლეილა სლიმანი, დიოდო ჰამადი და ჯერემი სტრონგი.

კანის ჟიურის წევრები წითელ ხალიჩაზე

კანის ჟიურის წევრები წითელ ხალიჩაზე

ფოტო: AP Photos

ფესტივალი ფრანგი რეჟისორის, ამელი ბონინის ფილმით Partir un jour გაიხსნა, რომელიც კონკურსგარეშე სექციაშია წარმოდგენილი. ოფიციალურ კონკურსში 19 ფილმია, მათ შორის, ოლივერ ლაქსის Sirat და კარლა სიმონის Romería, რაც ესპანური კინოსთვის მნიშვნელოვანი მოვლენაა.

დანიელა პიკი და კვენტინ ტარანტინო წითელ ხალიჩაზე

დანიელა პიკი და კვენტინ ტარანტინო წითელ ხალიჩაზე

ფოტო: AP Photos

ბელა ჰადიდი წითელ ხალიჩაზე

ბელა ჰადიდი წითელ ხალიჩაზე

ფოტო: AP Photo

ჟიურის წევრი, ჯერემი სტრონგი

ჟიურის წევრი, ჯერემი სტრონგი

ფოტო: AP Photo

ფესტივალის გახსნის ცერემონიაზე ჟულიეტ ბინოშმა გააკრიტიკა აშშ-ის პრეზიდენტის დონალდ ტრამპის მიერ უცხოურ ფილმებზე დაწესებული 100%-იანი ტარიფი, რაც მისი თქმით, საკუთარი იმიჯის შენარჩუნებას ემსახურება.

ჯულიეტ ბინოში გახსნის ცერემონიაზე

ჯულიეტ ბინოში გახსნის ცერემონიაზე

ფოტო: AP Photos

კინოფესტივალზე ასევე წარმოდგენილია ცნობილი რეჟისორების ახალი ნამუშევრები, მათ შორის არის უეს ანდერსონი (The Phoenician Scheme), არი ასტერი (Eddington), რიჩარდ ლინკლეიტერი (New Wave) და ჯულია დიუკურნო (Alpha).

ფესტივალის ფარგლებში, რობერტ დე ნიროს მისი კარიერის აღსანიშნავად გადაეცა საპატიო "ოქროს პალმის რტო".

რობერტ დე ნირო

რობერტ დე ნირო

ფოტო: AP Photos